ಪೊಲೀಸ್ ಸೇವೆಯ ಆಕಾಂಕ್ಷಿಗಳಿಗಾಗಿ ʼಟಾರ್ಗೆಟ್ ಪಿಎಸ್ಐʼ ಕೋರ್ಸ್.. ವಿಶೇಷ ಕಾರ್ಯಕ್ರಮಕ್ಕೆ ಸಿಕ್ತು ಚಾಲನೆ
ಬೆಂಗಳೂರು: ಪೊಲೀಸ್ ಸಬ್ ಇನ್ಸ್ಪೆಕ್ಟರ್ಗಳು ಹಾಗೂ ಕಾನ್ಸ್ಟೆಬಲ್ಗಳ ಪರೀಕ್ಷೆಗಾಗಿ ಅಕಾಡೆಮಿ ಆರಂಭಿಸಿರುವ ವಿಶೇಷ ಕೋರ್ಸ್ʼಗಳಿಗೆ ಮಂಗಳವಾರ ಚಾಲನೆ ಸಿಕ್ಕಿದೆ.
ʼಟಾರ್ಗೆಟ್ ಪಿಎಸ್ಐʼ ಹೆಸರಿನ ಈ ಕೋರ್ಸ್ಗಳನ್ನು ಪೊಲೀಸ್ ಸಬ್ ಇನ್ಸ್ಪೆಕ್ಟರ್ಗಳು ಮತ್ತು ಕಾನ್ಸ್ಟೆಬಲ್ ಹುದ್ದೆಗಳಿಗಾಗಿ ವಿಶೇಷವಾಗಿ ರೂಪಿಸಲಾಗಿದ್ದು, ಇದು ಪ್ರತ್ಯೇಕ ಅಧ್ಯಯನ ಮಾದರಿಯನ್ನು ಹೊಂದಿದೆ. ಕರ್ನಾಟಕ ಪೊಲೀಸ್ ಸೇವೆಯ ಆಕಾಂಕ್ಷಿಗಳಿಗಾಗಿ 2021 ಮಾರ್ಚ್ 9 ರಿಂದ ಬ್ಯಾಚ್ಗಳು ಪ್ರಾರಂಭವಾಗಿವೆ. ಪ್ರಚಲಿತ ವಿದ್ಯಮಾನಗಳು, ರಾಜಕೀಯ, ವಿಜ್ಞಾನ- ತಂತ್ರಜ್ಞಾನ, ಇತಿಹಾಸ, ಅನುವಾದ, ಅರ್ಥಶಾಸ್ತ್ರ, ಮತ್ತು ಪಿಎಸ್ಐ ಹಾಗೂ ಪಿಸಿ ಪರೀಕ್ಷೆಗಳಿಗೆ ಸಂಬಂಧಿಸಿದ ಮಾನಸಿಕ ಸಾಮರ್ಥ್ಯದಂತಹ ಎಲ್ಲಾ ಪ್ರಮುಖ ವಿಷಯಗಳನ್ನು ಒಳಗೊಂಡ ಕೋರ್ಸುಗಳು ಇದರಲ್ಲಿವೆ.
ಅನಾಕಾಡೆಮಿಯ ಕೋರ್ಸುಗಳಿಗೆ ಚಾಲನೆ ನೀಡಿದ ಉಪ ಮುಖ್ಯಮಂತ್ರಿ ಡಾ.ಸಿ.ಎನ್. ಅಶ್ವತ್ಥನಾರಾಯಣ, “ಪೊಲೀಸ್ ಇಲಾಖೆ ಸೇರಬೇಕೆಂದು ಬಯಸುವ ಯುವ ಜನರಿಗೆ ಈ ಕೋರ್ಸುಗಳು ಹೆಚ್ಚು ಉಪಯುಕ್ತ. ಅಕಾಡೆಮಿಗೆ ಸೇರಿ ಸೂಕ್ತ ಮಾರ್ಗದರ್ಶನ” ಪಡೆಯಬಹುದು ಎಂದರು.
ಯಾವುದೇ ಪರೀಕ್ಷೆಯನ್ನು ಎದುರಿಸಬೇಕಾದರೆ, ಅದಕ್ಕೆ ಉತ್ತಮ ಪೂರ್ವ ಸಿದ್ಧತೆಯೂ ಅಗತ್ಯ. ನಿರಂತರ ಅಧ್ಯಯನವೂ ಮುಖ್ಯ ಎಂದು ಅವರು ಹೇಳಿದರು.