ಬೆಂಗಳೂರು: ಅಖಿಲ ಭಾರತೀಯ ಕಾಂಗ್ರೆಸ್ ಸಮಿತಿಯ ನೂತನ ಅಧ್ಯಕ್ಷರಾಗಿರುವ ಮಲ್ಲಿಕಾರ್ಜುನ ಖರ್ಗೆ ಅವರಿಗೆ ರಾಜಧಾನಿ ಬೆಂಗಳೂರಿನಲ್ಲಿ ಅದ್ಧೂರಿ ಸ್ವಾಗತ ಸಿಕ್ಕಿದೆ. ಎಐಸಿಸಿ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡ ನಂತರ ಮೊದಲ ಬಾರಿಗೆ ಬೆಂಗಳೂರಿಗೆ ಭೇಟಿ ನೀಡಿದ ಖರ್ಗೆ ಅವರಿಗೆ ಅಭಿನಂದನೆಗಳ ಮಹಾಪೂರವೇ ಹರಿದುಬಂದಿದೆ.
ಇದೇ ಸಂದರ್ಭದಲ್ಲಿ ಮಲ್ಲಿಕಾರ್ಜುನ ಖರ್ಗೆಯವರ ಬೆಂಗಳೂರಿನ ನಿವಾಸ ಇಂದು ಚಟುವಟಿಕೆಗಳ ಕೇಂದ್ರಬಿಂದುವಾಗಿದೆ. ತಮ್ಮ ಪಕ್ಷದ ಸಾರಥಿಯನ್ನು ಬೇಟಿಯಾಗಿ ಮಾತನಾಡಲು, ಅಭಿನಂಧಿಸಲು ಕಾಂಗ್ರೆಸ್ ಕಾರ್ಯಕರ್ತರು ತಂಡೋಪತಂಡವಾಗಿ ಬೆಂಗಳೂರಿನ ಸದಾಶಿವನಗರದಲ್ಲಿರುವ ಖರ್ಗೆಯವರ ನಿವಾಸಕ್ಕೆ ಭೇಟಿ ನೀಡುತ್ತಿದ್ದ ದೃಶ್ಯ ಕಂಡುಬಂದಿದೆ.
ಈ ನಡುವೆ ನೆಚ್ಚಿನ ನಾಯಕನನ್ನು ಮೆಚ್ಚಿಸಿಕೊಳ್ಳಲು ಪಕ್ಷದ ಅನೇಕ ನಾಯಕರು ಮಲ್ಲಿಕಾರ್ಜುನ ಖರ್ಗೆಯವರ ನಿವಾಸದ ಸುತ್ತಮುತ್ತಲ ಪ್ರದೇಶಗಳನ್ನು ಫ್ಲೆಕ್ಸ್ಗಳಿಂದ ಸಿಂಗರಿಸಿದ್ದಾರೆ. ವಯ್ಯಾಲಿಕಾವಲ್, ಭಾಷ್ಯಂ ಸರ್ಕಲ್, ಸದಾಶಿವನಗರ, ಸ್ಯಾಂಕಿ ರೋಡ್ ಸೇರಿದಂತೆ ಮಲ್ಲಿಕಾರ್ಜುನ ಖರ್ಗೆಯವರ ನಿವಾಸದ ಸುತ್ತಮುತ್ತಲ ರಸ್ತೆಗಳಲ್ಲಿ ಫ್ಲೆಕ್ಸ್ಗಳು ರಾರಾಜಿಸುತ್ತಿವೆ.
ದೈತ್ಯ ಕೌಟೌಟ್ಗಳ ಮೂಲಕ ಖರ್ಗೆಯವರನ್ನು ಆಭಿನಂಧಿಸಿರುವ ಸನ್ನಿವೇಶ ಕಂಡುಬಂದಿದೆ. ಖರ್ಗೆಯವರ ಭಾವಚಿತ್ರವಷ್ಟೇ ಅಲ್ಲ, ಸೋನಿಯಾ ಗಾಂಧಿ, ರಾಹುಲ್ ಗಾಂಧಿ ಫೊಟೋಗಳುಳ್ಳ ಬೃಹತ್ ಕಟೌಟ್ಗಳೂ ಗಮನಸೆಳೆಯುತ್ತಿವೆ.
ಇದೇ ವೇಳೆ, ವಿಮಾನ ನಿಲ್ದಾಣವನ್ನು ಸಙಪರ್ಕಿಸುವ ರಸ್ತೆಗಳಲ್ಲೂ ಬೃಹತ್ ಕಟೌಟ್ಗಳು ರಾರಾಜಿಸುತ್ತಿವೆ.
Byatarayanapura is all set to welcome the new AICC President Shri Mallikarjuna Kharge tomorrow. @INCIndia @INCKarnataka @kharge pic.twitter.com/mFkS39hkqa
— Krishna Byre Gowda (@krishnabgowda) November 5, 2022
