ಮೇಷ:- ನಿಮ್ಮದೇ ಆದ ಭಾವನಾಲೋಕದಲ್ಲಿರುವ ನಿಮಗೆ ವ್ಯವಹಾರ, ವಹಿವಾಟುಗಳು ಕೆಲವು ರೀತಿಯಲ್ಲಿತೊಂದರೆಯನ್ನುಂಟು ಮಾಡುವ ಸಾಧ್ಯತೆ ಇದೆ. ಪರಾಕ್ರಮದ ಕೆಲಸ ಅಥವಾ ಸಂವಹನ ಕಾರ್ಯಗಳಲ್ಲಿ ಹಿನ್ನಡೆ ಅನುಭವಿಸಬೇಕಾಗುವುದು.
ವೃಷಭ:- ಸೂಕ್ಷ್ಮವಾಗಿ ಆಲೋಚಿಸಿ. ವಿಷಯ ಒಂದರ ಎಲ್ಲಾ ಸಾಧಕ ಬಾಧಕಗಳನ್ನು ಕಲೆಹಾಕಿ ಆ ಕಾರ್ಯದಲ್ಲಿ ಪ್ರವೃತ್ತರಾಗಿ. ಇದರಿಂದ ಒಳಿತಾಗುವುದು. ಹಣಕಾಸಿನ ಪರಿಸ್ಥಿತಿ ಉತ್ತಮವಾಗಿರುವುದು.
ಮಿಥುನ:- ನಿಮಗೆ ಬೇಡವಾದವರು ಬಂದು ತಲೆ ತಿನ್ನುವ ಸಾಧ್ಯತೆ ಇದೆ. ಆದರೆ ತಾಳ್ಮೆ ಕಳೆದುಕೊಳ್ಳದೆ ಸಮಾಧಾನದಿಂದಲೇ ಅವರನ್ನು ಸಂತೈಸುವಿರಿ. ಹಣಕಾಸಿನ ಮುಗ್ಗಟ್ಟು ಎದುರಾಗುವುದು.
ಕಟಕ:- ಯಶಸ್ಸು ಮತ್ತು ಇದಕ್ಕಾಗಿನ ಆನಂದದಾಯಕ ಮನಸ್ಸಿನ ನಿರಾಳತೆ ನಿಮಗಿಂದು ಸುಲಭವಾಗಿ ದೊರೆಯುವುದು. ಗುರುರಾಯರ ಸ್ಮರಣೆ ಮಾಡಿ. ಎಲ್ಲವೂ ಕ್ಷೇಮವಾಗುವುದು. ಹಣಕಾಸಿನ ಪರಿಸ್ಥಿತಿಯಲ್ಲಿಸುಧಾರಣೆ ಕಂಡುಬರುವುದು.
ಸಿಂಹ:- ನಿಮ್ಮ ಸಹೋದ್ಯೋಗಿಗಳು ಹೊರಗೆ ಒಂದು ರೀತಿ ಮಾತನಾಡಿ ಒಳಗಿನಿಂದ ನಿಮ್ಮ ಮೇಲೆ ಹಗೆತನ ಕಾರುವರು. ಇದರಿಂದ ನಿಮಗೇ ಒಳಿತಾಗುವುದು. ಈ ಬಗ್ಗೆ ಚಿಂತೆ ಬೇಡ.
ಕನ್ಯಾ:- ಅವಿರತ ಶ್ರಮವನ್ನು ಪೂರೈಸಿಯೇ ಸಂಬಂಧಿಸಿದ ಕಾರ್ಯ ಸಾಧನೆ ಮಾಡಿಕೊಳ್ಳುವಿರಿ. ಇದರಿಂದ ಸಮಾಜದ ಬಂಧು ಬಾಂಧವರಿಂದ ಪ್ರಶಂಸೆಗೆ ಕಾರಣರಾಗುತ್ತೀರಿ. ವಿಷ್ಣು ಸಹಸ್ರನಾಮ ಪಾರಾಯಣ ಮಾಡಿ.
ತುಲಾ:– ಬೆವರು ಸುರಿಸಿ ಬಿಸಿಲಿನಲ್ಲಿ ಒದ್ದಾಡಿ ಕೆಲಸ ಪೂರೈಸುವ ಅಗತ್ಯವಿಲ್ಲ. ದುರ್ಗಾದೇವಿಯ ಆರಾಧನೆಯಿಂದ ಒಳಿತಾಗುವುದು. ಸಂಸಾರ ಜೀವನದಲ್ಲಿ ಸುಖ, ಸಂತೋಷ ಕಾಣುವಿರಿ.
ವೃಶ್ಚಿಕ:- ಹೊಸದೇ ಆದ ಕೆಲಸಕ್ಕಾಗಿನ ನಿಮ್ಮ ಪರದಾಟಗಳಿಗೆ ಸದ್ಯದಲ್ಲಿ ವಿರಾಮ ದೊರೆಯುವ ಸಾಧ್ಯತೆ ಇದೆ. ಆಂಜನೇಯ ಸ್ವಾಮಿಯನ್ನು ಪ್ರತಿನಿತ್ಯ ಆರಾಧಿಸುವುದು ಒಳ್ಳೆಯದು.
ಧನುಸ್ಸು:– ಬೇಡವೆಂದರೂ ಕೆಲಸಗಳನ್ನು ತಂದು ಗಂಟು ಹಾಕುತ್ತಾರೆ. ಆದರೆ ಅದನ್ನು ನಿರಾಕರಿಸುವಂತಿಲ್ಲ. ಇದರಿಂದ ಮಾನಸಿಕ ಶ್ರಮವಾದರೂ ಸಂಜೆಯ ವೇಳೆಗೆ ಅನುಕೂಲವಾಗುವುದು.
ಮಕರ:- ಸಮಾಧಾನಕರವಾದ ವಸ್ತುಸ್ಥಿತಿಯಿಂದ ಅಮಿತವಾದ ಆನಂದ ಹೊಂದಲು ಸಹಾಯವಾಗುವುದು. ನಿಮ್ಮ ಮನೋಕಾಮನೆಗಳು ಪೂರ್ಣಗೊಳ್ಳುವವು. ಹಣಕಾಸಿನ ಸ್ಥಿತಿ ಉತ್ತಮವಾಗಿರುವುದು.
ಕುಂಭ:– ಹಣವನ್ನು ಸಾಲವಾಗಿ ಪಡೆಯುವ, ಕೊಡುವ ಅಥವಾ ಕೊಡಿಸುವ ಉಸಾಬರಿಗೆ ಸದ್ಯ ಮುಂದಾಗಬೇಡಿ. ನೀವು ಕೊಟ್ಟ ಹಣ ವಾಪಸ್ಸು ಬರದೆ ಇರುವ ಸಾಧ್ಯತೆಯನ್ನು ಎದುರಿಸಬೇಕಾಗುವುದು.
ಮೀನ:- ಸಂಸಾರ ಎಂದಮೇಲೆ ಸುಖ ದುಃಖ ಸಾಮಾನ್ಯ. ನಿಮ್ಮ ವೈಯಕ್ತಿಕ ಬೇಕು ಬೇಡಗಳ ವಿಚಾರದಲ್ಲಿಮಕ್ಕಳ ಬಗ್ಗೆ ಅಸಡ್ಡೆ ತೋರದಿರಿ. ಅವರ ಮನೋಭಾವನೆಗಳಿಗೆ ಸ್ಪಂದಿಸುವುದು ಅತ್ಯಂತ ಅವಶ್ಯಕವಾಗಿರುತ್ತದೆ.
