ವಾಷಿಂಗ್ಟನ್: ಹಾಲಿವುಡ್‌ಗೆ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದ ಖ್ಯಾತ ನಿರ್ಮಾಪಕ ಜಾನ್ ಲ್ಯಾಂಡೊ ಇನ್ನಿಲ್ಲ. ‘ಟೈಟಾನಿಕ್’, ‘ಅವತಾರ್’ ನಂತಹ ಬ್ಲಾಕ್ ಬಸ್ಟ‌ರ್ ಸಿನಿಮಾಗಳನ್ನು ನಿರ್ಮಿಸಿ ಜಾಗತಿಕ ಚಿತ್ರರಂಗಕ್ಕೆ ಹೊಸ ಆಯಾಮ ತಂದುಕೊಟ್ಟಿದ್ದ ಖ್ಯಾತ ನಿರ್ಮಾಪಕ ಜಾನ್ ಲ್ಯಾಂಡೊ ಅವರು ಶನಿವಾರ ನಿಧನರಾಗಿದ್ದಾರೆ ಎಂದು ವರದಿಯಾಗಿದೆ.
“The Avatar family grieves the loss of our friend and leader, Jon Landau. His zany humor, personal magnetism, great generosity of spirit and fierce will have held the center of our Avatar universe for almost two decades. His legacy is not just the films he produced, but the… pic.twitter.com/fsR77qHoO2
— Avatar (@officialavatar) July 7, 2024
ಜಾನ್ ಲ್ಯಾಂಡೋ ನಿಧನದ ಮಾಹಿತಿಯನ್ನು ಡಿಸ್ನಿ ಎಂಟರ್‌ಟೈನ್‌ಮೆಂಟ್ ಮುಖ್ಯಸ್ಥರಾದ ಅಲನ್‌ ಬರ್ಗ್‌ಮನ್ ಹಂಚಿಕೊಂಡಿದ್ದಾರೆ.
ಜಾನ್ ಲ್ಯಾಂಡೊ ಅವರು ಕ್ಯಾಮರೂನ್ ಅವರ ಜೊತೆಗೂಡಿ ನಿರ್ಮಿಸಿದ್ದ ‘ಟೈಟಾನಿಕ್’ ಚಿತ್ರ ಜಾಗತಿಕ ದಾಖಲೆ ಬರೆದಿತ್ತು. ಕ್ಯಾಮರೂನ್ ಮತ್ತು ಲ್ಯಾಂಡೊ ಅವರ ಪಾಲುದಾರಿಕೆಯಲ್ಲಿ ತೆರೆಗೆ ಬಂದ ಮೂರು ಚಿತ್ರಗಳು ಆಸ್ಕರ್ ಪ್ರಶಸ್ತಿಗೆ ನಾಮ ನಿರ್ದೇಶಿತವಾಗಿದ್ದವು. ಅದರಲ್ಲೂ ‘ಟೈಟಾನಿಕ್’ ಚಿತ್ರ ಬರೋಬ್ಬರಿ 11 ಆಸ್ಕರ್ ಪ್ರಶಸ್ತಿಗಳನ್ನು ಪಡೆದಿತ್ತು. ಇವರ ‘ಅವತಾರ್’ ಕೂಡಾ ಜಾಗತಿಕ ಹಿಟ್ ಸಿನಿಮಾ ಎನ್ನಿಸಿತ್ತು.
ಜಾನ್ ಲ್ಯಾಂಡೊ ನಿಧನಕ್ಕೆ ಸಿನಿ ಲೋಕದ ಗಣ್ಯರು ಸಂತಾಪ ಸೂಚಿಸಿದ್ದಾರೆ.
