ನವದೆಹಲಿ: ತನ್ನನ್ನು ಈ ಮಟ್ಟಕ್ಕೆ ಬೆಳೆಸಿರುವುದು ರಾಷ್ಟ್ರೀಯ ಸ್ವಯಂಸೇವಕ ಸಂಘ (RSS) ಎಂದಿರುವ ಪ್ರಧಾನಿ ನರೇಂದ್ರ ಮೋದಿ, ತಮ್ಮ ಜೀವನದಲ್ಲಿ ದೇಶಭಕ್ತಿ ಬೆಳೆಸಿದ್ದಕ್ಕಾಗಿ, ತಮ್ಮನ್ನು ಪೋಷಿಸಿದ್ದಕ್ಕಾಗಿ ಸಂಘಕ್ಕೆ ಕೃತಜ್ಞತೆ ಸಲ್ಲಿಸಿದ್ದಾರೆ.
A wonderful conversation with @lexfridman, covering a wide range of subjects. Do watch! https://t.co/G9pKE2RJqh
— Narendra Modi (@narendramodi) March 16, 2025
ಪಾಡ್‌ಕ್ಯಾಸ್ಟ್‌ನಲ್ಲಿ AI ಸಂಶೋಧಕ ಮತ್ತು ಪಾಡ್‌ಕ್ಯಾಸ್ಟರ್ ಲೆಕ್ಸ್ ಫ್ರಿಡ್‌ಮನ್ ಅವರೊಂದಿಗಿನ ಸಂವಾದದ ಸಂದರ್ಭದಲ್ಲಿ ಪ್ರಧಾನಿ ಮೋದಿ ಅವರು ತಮ್ಮ ಸಾಂಘಿಕ ಬದುಕಿನ ಬಗ್ಗೆ ಬೆಳಕುಚೆಲ್ಲಿದರು. ಆಡಳಿತಾರೂಢ ಬಿಜೆಪಿಯ ಸೈದ್ಧಾಂತಿಕ ಮಾರ್ಗದರ್ಶಕವಾದ RSS ತಮ್ಮನ್ನು ಒಬ್ಬ ವ್ಯಕ್ತಿಯಾಗಿ ರೂಪಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿದೆ ಎಂದರು.
‘ಇಂಗ್ಲಿಷ್’ ಆವೃತ್ತಿಯಲ್ಲೂ ಓದಿ..
“RSS helped me find a life of purpose”: PM Modi
“RSS ಮೂಲಕ, ನಾನು ಉದ್ದೇಶಿತ ಜೀವನವನ್ನು ಕಂಡುಕೊಂಡೆ. ನಂತರ ಸಂತರ ನಡುವೆ ಸಮಯ ಕಳೆಯುವ ಅದೃಷ್ಟ ಸಿಕ್ಕಿತು, ಅದು ನನಗೆ ಬಲವಾದ ಆಧ್ಯಾತ್ಮಿಕ ಅಡಿಪಾಯವನ್ನು ನೀಡಿತು. ನಾನು ಶಿಸ್ತು ಮತ್ತು ಉದ್ದೇಶಿತ ಜೀವನವನ್ನು ಕಂಡುಕೊಂಡೆ” ಎಂದು ಮೋದಿ ಸಂಘದ ಜೊತೆ ಸಾಗಿಬಂದ ಅರ್ಥಪೂರ್ಣ ಬದುಕಿನ ಬಗ್ಗೆ ಬೆಳಕು ಚೆಲ್ಲಿದರು.
ಕಳೆದ 100 ವರ್ಷಗಳಲ್ಲಿ RSS ತನ್ನ ಶಕ್ತಿಯನ್ನು ಮುಡಿಪಾಗಿಟ್ಟಿರುವ ಸಾಮಾಜಿಕ ಕಾರಣಗಳನ್ನು ಪ್ರಧಾನಿ ತೆರೆದಿಟ್ಟರು. ಆರೆಸ್ಸೆಸ್ ಮತ್ತು ಸಂಘಟನೆಯಿಂದ ಪೋಷಿಸಲ್ಪಟ್ಟ ಸ್ವಯಂಸೇವಕರು ಯಾವಾಗಲೂ ಯುವಜನರಲ್ಲಿ ಮೌಲ್ಯಗಳಿಗೆ ಆದ್ಯತೆ ನೀಡುತ್ತಾರೆ. ಶಿಕ್ಷಣದ ಜೊತೆಗೆ ಅವರು ಸಮಾಜದ ಮೇಲೆ ಹೊರೆಯಾಗದಂತೆ ಕೌಶಲ್ಯಗಳನ್ನು ಕಲಿಯುತ್ತಾರೆ ಎಂದ ಅವರು, ಜೀವನದ ಪ್ರತಿಯೊಂದು ಅಂಶದಲ್ಲೂ, ಅದು ಮಹಿಳೆಯರು, ಯುವಕರು ಅಥವಾ ಕಾರ್ಮಿಕರಾಗಿರಲಿ, ಆರ್ಎಸ್ಎಸ್ ಒಂದು ಪ್ರಮುಖ ಪಾತ್ರವನ್ನು ವಹಿಸಿದೆ” ಎಂದರು.
“ನಮ್ಮ ಹಳ್ಳಿಯಲ್ಲಿ,ಒಂದು ಶಾಖೆ ಇತ್ತು, ಅಲ್ಲಿ ನಾವು ಕ್ರೀಡೆಗಳನ್ನು ಆಡುತ್ತಿದ್ದೆವು ಮತ್ತು ದೇಶಭಕ್ತಿ ಗೀತೆಗಳನ್ನು ಹಾಡುತ್ತಿದ್ದೆವು. ಆ ಹಾಡುಗಳ ಬಗ್ಗೆ ಏನೋ ನನ್ನನ್ನು ಆಳವಾಗಿ ಸ್ಪರ್ಶಿಸಿತು. ಅವರು ನನ್ನೊಳಗೆ ಏನೋ ಒಂದು ಸ್ಫೂರ್ತಿ ತುಂಬಿದರು, ಮತ್ತು ಹೀಗೆಯೇ ನಾನು ಅಂತಿಮವಾಗಿ ಆರ್‌ಎಸ್‌ಎಸ್‌ನ ಭಾಗವಾದೆ. RSSನಲ್ಲಿ ನಮ್ಮಲ್ಲಿ ತುಂಬಿದ ಪ್ರಮುಖ ಮೌಲ್ಯಗಳಲ್ಲಿ ಒಂದು. ನೀವು ಏನೇ ಮಾಡಿದರೂ ಅದನ್ನು ಒಂದು ಉದ್ದೇಶದಿಂದ ಮಾಡಿ ಎಂಬ ಹಿರಿಯರ ಮಾತುಗಳು ನನಗೆ ಪ್ರೇರಣೆಯಾದವು” ಎಂದು ನರೇಂದ್ರ ಮೋದಿ ಹೇಳಿದ್ದಾರೆ.
ದೇಶಕ್ಕೆ ಆರ್ಎಸ್ಎಸ್ ನಿಸ್ವಾರ್ಥ ಸೇವೆ ಮಾಡುತ್ತಲಿದೆ ಎಂದು ಸಂಘದ ಸಿದ್ದಂತ, ನಡೆ, ಸೇವಾ ಪರಿಕಲ್ಪನೆಯನ್ನು ಸಮರ್ಥಿಸಿಕೊಂಡ ಪ್ರಧಾನಿ ಮೋದಿ, ‘ಮುಖ್ಯವಾಹಿನಿಯ ಗಮನದ ಪ್ರಜ್ವಲಿಸುವಿಕೆಯಿಂದ ದೂರವಿದ್ದ ಅನ್ವೇಷಕನ ಶಿಸ್ತು ಮತ್ತು ಭಕ್ತಿಯೊಂದಿಗೆ ಆರ್ಎಸ್ಎಸ್ ತನ್ನನ್ನು ತಾನು ಸಮರ್ಪಿಸಿಕೊಂಡಿದೆ. ಅಂತಹ ಪವಿತ್ರ ಸಂಸ್ಥೆಯಿಂದ ಜೀವನದ ಮೌಲ್ಯಗಳನ್ನು ಪಡೆಯಲು ನಾನು ಧನ್ಯನಾಗಿದ್ದೇನೆ” ಎಂದು ಬಾವುಕರಾಗಿ ನುಡಿದಿದ್ದಾರೆ.
ತಾನು ಎಂಟು ವರ್ಷದವನಿದ್ದಾಗ, ಹಿಂದೂ ರಾಷ್ಟ್ರೀಯತೆಯ ಕಲ್ಪನೆಯನ್ನು ಪ್ರತಿಪಾದಿಸುವ ಆರ್ಎಸ್ಎಸ್ ಸೇರಿದ್ದೆ. ಅನಂತರ ಆರ್ಎಸ್ಎಸ್ ಬಗ್ಗೆ ಮತ್ತು ರಾಜಕೀಯ ವಿಚಾರಗಳ ಬೆಳವಣಿಗೆಯ ಮೇಲೆ ಯಾವ ಪ್ರಭಾವ ಬೀರಿತು ಎಂಬುದರ ಬಗ್ಗೆ ಒಂದಷ್ಟು ವಿಚಾರಗಳನ್ನು ಮೋದಿ ಹಂಚಿಕೊಂಡರು.
