ಕೋವಿಡ್ ಸೋಂಕು ನಿಯಂತ್ರಣ ಸಂಬಂಧ ಮಾಹಿತಿ-ತಂತ್ರಜ್ಞಾನ ಯಶಸ್ವೀ ಬಳಕೆಗಾಗಿ ಕರ್ನಾಟಕದ ಹಿರಿಯ ಐಎಎಸ್ ಅಧಿಕಾರಿ ಮುನೀಶ್ ಮೌದ್ಗಿಲ್ ಅವರ ತಂಡಕ್ಕೆ ‘ಇ-ಗವರ್ನೆನ್ಸ್ 2020-21’ ಪ್ರಶಸ್ತಿ ಲಭಿಸಿದೆ.
ಬೆಂಗಳೂರು: ಕರುನಾಡು ಕಂಡ ಹೆಮ್ಮೆಯ ಐಎಎಸ್ ಅಧಿಕಾರಿ ಮುನೀಶ್ ಮೌದ್ಗಿಲ್ ಅವರು ಇದೀಗ ಮತ್ತೊಂದು ಯಶೋಗಾಥೆಗೆ ಸಾಕ್ಷಿಯಾಗಿದ್ದಾರೆ. ಕರ್ನಾಟಕದ ಕೋವಿಡ್ ವಾರ್ ರೂಮ್ ಮುಖ್ಯಸ್ಥರಾಗಿರುವ ಮುನೀಶ್ ಮೌದ್ಗಿಲ್ ನೇತೃತ್ವದ ತಂಡದ ಸಾಧನೆಗೆ ರಾಷ್ಟ್ರೀಯ ಪ್ರಶಸ್ತಿಯ ಗರಿ ಸಿಕ್ಕಿದೆ. ಕೋವಿಡ್ ನಿರ್ವಹಣೆಯಲ್ಲಿ ತಂತ್ರಜ್ಞಾನ ಸದ್ಬಳಕೆ ಹಾಗೂ ಡಿಜಿಟಲ್ ಸದೃಢತೆಯ ಪರಿಪೂರ್ಣ ಬಳಕೆಯ ಸಾಧನೆಯನ್ನು ಗೌರವಿಸಿರುವ ಕೇಂದ್ರ ಸರ್ಕಾರವು ಈ ‘ರಾಷ್ಟ್ರ ಪ್ರಶಸ್ತಿ’ಯನ್ನು ನೀಡಿದೆ.
ಹೈದರಾಬಾದ್‌ನಲ್ಲಿ ಶುಕ್ರವಾರ ನಡೆದ ಸಮಾರಂಭದಲ್ಲಿ ಭಾರತ ಸರ್ಕಾರದ ಪ್ರತಿಷ್ಠಿತ ‘ಇ-ಆಡಳಿತ ಪ್ರಶಸ್ತಿ’ಯನ್ನು ಪ್ರದಾನ ಮಾಡಲಾಯಿತು. ಕೇಂದ್ರ ಸಚಿವ ಡಾ.ಜಿತೇಂದ್ರ ಸಿಂಗ್ ಅವರು ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ಮುನೀಶ್ ಮೌದ್ಗಿಲ್ ಅವರಿಗೆ ಪ್ರದಾನ ಮಾಡಿದರು.
ಕರುನಾಡಿಗೆ ಹೆಮ್ಮೆ..
ಕರುನಾಡಿಗೆ ಹೆಮ್ಮೆ..ಆಡಳಿತದಲ್ಲಿ ತಂತ್ರಜ್ಞಾನದ ಬಳಕೆಯಲ್ಲಿ ಹಿರಿಯ ಐಎಎಸ್ ಅಧಿಕಾರಿ ಮುನೀಶ್ ಮೌದ್ಗಿಲ್ ಅವರು ಮುಂಚೂಣಿಯಲ್ಲಿದ್ದು ಎಲ್ಲರ ಗಮನ ಕೇಂದ್ರೀಕರಿಸಿದವರು. ಭೂ ದಾಖಲೆಗಳ ಇಲಾಖೆಯಲ್ಲಿ ಡಿಜಿಟಲೀಕರಣದ ಕ್ರಾಂತಿ ಆರಂಭಿಸಿ ಪ್ರಶಂಸೆಗೆ ಪಾತ್ರರಾದವರು. ಅನಂತರ ಕೋವಿಡ್ ವಾರ್ ರೂಂ ಮುಖ್ಯಸ್ಥರಾದಾಗಲೂ ಆರೋಗ್ಯ ಕ್ಷೇತ್ರಕ್ಕೂ ಡಿಜಿಟಲ್ ಸ್ಪರ್ಷ ನೀಡಿದರು. ಕೊರೋನಾ ತಲ್ಲಣದ ಸನ್ನಿವೇಶದ ನಡುವೆ ಕ್ವಾರಂಟೈನ್‌ಗೆ ಒಳಗಾದವರು ನಿಯಮ ಉಲ್ಲಂಘಿಸಿ ಓಡಾಡುವುದಕ್ಕೆ ಬ್ರೇಕ್ ಹಾಕುವ ಸಂಬಂಧ ‘ಕ್ವಾರಂಟೈನ್ ವಾಚ್’ ಹೆಸರಲ್ಲಿ ಆ್ಯಪ್ ಪರಿಚಯಿಸಿದ್ದರು. ಈ ರೀತಿಯ ತಂತ್ರಗಾರಿಕೆಯ ಸೂತ್ರದಾರರಾಗಿರುವ ಮುನೀಶ್ ಮೌದ್ಗಿಲ್ ಅವರು ದೇಶದ ಆಡಳಿತ ಕ್ಷೇತ್ರದಲ್ಲಿ ‘ಟೆಕ್ ಮೌದ್ಗಿಲ್’ ಎಂದೇ ಪರಿಚಿತರಾಗಿದ್ದಾರೆ.
ಇದೀಗ, ಜಗತ್ತನ್ನೇ ತಲ್ಲಣಗೊಳಿಸಿರುವ ಸಾಂಕ್ರಾಮಿಕ ರೋಗ ಕೋವಿಡ್ ಸೋಂಕು ನಿಯಂತ್ರಣ ಸಂಬಂಧ ಮಾಹಿತಿ-ತಂತ್ರಜ್ಞಾನ ಹಾಗೂ ಸಂವಹನದ ಯಶಸ್ವೀ ಬಳಕೆಗಾಗಿ ಕರ್ನಾಟಕ ಕೇಡರ್‌ನ ಹಿರಿಯ ಐಎಎಸ್ ಅಧಿಕಾರಿ ಮುನೀಶ್ ಮೌದ್ಗಿಲ್ ಅವರ ತಂಡಕ್ಕೆ ‘ಇ-ಗವರ್ನೆನ್ಸ್ 2020-21’ ಪ್ರಶಸ್ತಿ ಲಭಿಸಿದೆ. ಪ್ರಶಸ್ತಿ ಸ್ವೀಕರಿಸಿದ ಮುನೀಶ್ ಮೌದ್ಗಿಲ್ ಅವರಿಗೆ ಅಭಿನಂಧನೆಗಳ ಮಹಾಪೂರವೇ ಹರಿದುಬಂದಿದೆ.
ರಾಷ್ಟ್ರೀಯ ಪ್ರಶಸ್ತಿ ಸ್ವೀಕರಿಸಿದ ಮುನೀಶ್ ಮೌದ್ಗಿಲ್ ಅವರನ್ನು ರಾಜ್ಯ ಸರ್ಕಾರ ಕೂಡಾ ಅಭಿನಂದಿಸಿದೆ. ಮೌದ್ಗಿಲ್ ಅವರ ತಂಡದ ಸಾಧನೆ ಇಡೀ ದೇಶಕ್ಕೆ ಮಾದರಿಯೆನಿಸಿದೆ ಎಂದು ಆರೋಗ್ಯ ಸಚಿವ ಡಾ.ಸುಧಾಕರ್ ಬಣ್ಣಿಸಿದ್ದಾರೆ.
Be it the gamut of in-house mobile applications or the the fully equipped war room, Karnataka’s tech-driven Covid mgmt has been a model to the entire country.
Congratulations to Mr.Manish Moudgil and the team on winning GoI’s e-governance award for use of ICT in Covid-19 mgmt. pic.twitter.com/CKbwiQS1rm
— Dr Sudhakar K (@mla_sudhakar) January 7, 2022
ಇದೇ ವೇಳೆ, ಮುನೀಶ್ ಪತ್ನಿ, ರಾಜ್ಯದ ಹಿರಿಯ ಐಪಿಎಸ್ ಅಧಿಕಾರಿ ಡಿ.ರೂಪಾ ಅವರು ಟ್ವೀಟ್ ಮಾಡಿ ಸಂತಸ ಹಂಚಿಕೊಂಡಿದ್ದಾರೆ. ಆತ್ಮೀಯ ಪದಗಳೊಂದಿಗೆ ಅವರು ತಮ್ಮ ಪತಿಯನ್ನು ಅಭಿನಂದಿಸಿದ್ದಾರೆ.
Hearty congratulations to Covid War Room TEAM headed by Munish Moudgil IAS,for e-governance award of GOI, for use of technology in management of Covid. Award recieved at the hands of h’ble @DrJitendraSingh & KT RamaRao. Thanks to h’ble @BSBommai @mla_sudhakar for immense support. pic.twitter.com/XMyNOiX2d4
— D Roopa IPS (@D_Roopa_IPS) January 7, 2022
