ಜನೋತ್ಸಾಹದಿಂದ ಪುಳಕ, ಅನಾಹುತದಿಂದ ಗಲಿಬಿಲಿ; ರಾಹುಲ್ ಗಾಂಧಿ ಸಮಾವೇಶದ ವೇದಿಕೆ ಕುಸಿದು ನಾಯಕರು ಕಂಗಾಲು

ಪಟ್ನಾ: ಲೋಕಸಭಾ ಚುನಾವಣಾ ಪ್ರಚಾರದ ಸಂದರ್ಭದಲ್ಲಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಇದ್ದ ವೇದಿಕೆ ಕುಸಿದ ಘಟನೆ ಸೋಮವಾರ ನಡೆದಿದೆ. ಈ‌ ಕುರಿತ ವೀಡಿಯೋ ವೈರಲ್ ಆಗಿದೆ.

VIDEO | A portion of the stage set for Rahul Gandhi’s rally in Bihar’s Paliganj collapsed as the Congress MP arrived with other party leaders. #LSPolls2024WithPTI #LokSabhaElections2024 pic.twitter.com/lDeQjTUnq6

— Press Trust of India (@PTI_News) May 27, 2024

  ಬಿಹಾರದ ಪಲಿಗಂಜ್‌‌ನಲ್ಲಿ ‘ಇಂಡಿಯ’ ಅಭ್ಯರ್ಥಿ ಪರ ಚುನಾವಣ ಪ್ರಚಾರ ಸಮಾವೇಶದಲ್ಲಿ ರಾಹುಲ್‌ ಗಾಂಧಿ ಭಾಗವಹಿಸಿದ್ದರು. ಆರ್‌ಜೆಡಿ ಮುಖ್ಯಸ್ಥ ಲಾಲೂ ಪ್ರಸಾದ್‌ ಯಾದವ್‌ ಪುತ್ರಿ ಮಿಸಾ ಭಾರ್ತಿ ಪರ ಪ್ರಚಾರ ಸಮಾವೇಶ ಅದಾಗಿತ್ತು. ಜನರ ಜಯಘೋಷದಿಂದ ಪುಳಕಿತರಾದ ರಾಹುಲ್, ಜನಸ್ತೋಮದತ್ತ ಕೈಬೀಸಿ ಉತ್ಸಾಹ ಹೆಚ್ಚಿಸಲು ಮುಂದಾಗುತ್ತಿದ್ದಂತೆಯೇ ವೇದಿಕೆ ಕುಸಿದಿದೆ. ರಾಹುಲ್ ಮಾತ್ರವಲ್ಲ, ಅನೇಕ‌ನಾಯಕರು ವೇದಿಕೆಯಲ್ಲಿದ್ದರು.‌ ವೇದಿಕೆಯ ಒಂದು ಭಾಗ ಕುಸಿದಿದ್ದು, ತಕ್ಷಣ, ಮಿಸಾ ಭಾರ್ತಿ ಅವರು ರಾಹುಲ್‌ ಗಾಂಧಿ ಕೈ ಹಿಡಿದು ರಕ್ಷಿಸಿದ್ದಾರೆ.