ಹೈದರಾಬಾದ್: ನಿರ್ದೇಶಕ Sampath Nandi ಅವರ ಬಹುನಿರೀಕ್ಷಿತ ಆಕ್ಷನ್ ಡ್ರಾಮಾ ಭೋಗಿ ಚಿತ್ರದಿಂದ ನಟಿ ಅನುಪಮಾ ಪರಮೇಶ್ವರನ್ (Anupama Parameswaran) ಅವರ ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು, ಸಿನಿ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿಸಿದೆ.
ಶುಕ್ರವಾರ ಬಿಡುಗಡೆಗೊಂಡ ಪೋಸ್ಟರ್ನಲ್ಲಿ, ಅನುಪಮಾ ಗ್ರಾಮೀಣ ಹಿನ್ನೆಲೆಯ ಸುಲೋಚನಾ ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಧೂಳು ತುಂಬಿದ ಹಳ್ಳಿಯ ದಾರಿಯಲ್ಲಿ ಬರಿಗಾಲಿನಲ್ಲಿ ನಡೆದು ಬರುತ್ತಿರುವ ಅವರು, ತಲೆಯ ಮೇಲೆ ಎಲೆಗಳಿಂದ ತುಂಬಿದ ಬುಟ್ಟಿಯನ್ನು ಹೊತ್ತುಕೊಂಡು, ಸರಳ ಉಡುಗೆಯಲ್ಲಿ ನೈಸರ್ಗಿಕ ಸೌಂದರ್ಯವನ್ನು ತೋರಿಸಿದ್ದಾರೆ. ಅವರ ಮುಖಭಾವ ಗಟ್ಟಿತನ ಮತ್ತು ದೃಢತೆಯನ್ನು ಪ್ರತಿಬಿಂಬಿಸುವಂತಿದ್ದು, ಶ್ರಮಶೀಲ ಮಹಿಳೆಯ ಪಾತ್ರದ ಛಾಯೆ ನೀಡುತ್ತದೆ.
World… meet our
‘KANDULA SULOCHANA RANI’Nature’s child…
Ganga’s home…
Kandula’s pride…
and the very soul of #BHOGI ❤️🔥Brought to life by the ever-dynamic @anupamahere ✨
Charming Star @ImSharwanand @DimpleHayathi @KKRadhamohan @rohitpathak99… pic.twitter.com/njzvGKWqQU
— Sampath Nandi (@IamSampathNandi) April 30, 2026
ಚಿತ್ರದಲ್ಲಿ ನಟ Sharwanand ನಾಯಕನಾಗಿ ಗಂಗಾ ಎಂಬ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಮೂಲಗಳ ಪ್ರಕಾರ, ಸುಲೋಚನಾ ಪಾತ್ರ ಪ್ರಕೃತಿಯೊಂದಿಗೆ ಬೆಸೆದುಕೊಂಡಿರುವ ಶಕ್ತಿಶಾಲಿ ಮಹಿಳೆಯಾಗಿ ಮೂಡಿಬರಲಿದೆ.
ಇತ್ತೀಚೆಗೆ ರಾಜಮಹೇಂದ್ರವರಂ, ರಂಪಾಚೋಡವರಂ ಹಾಗೂ ಮರೇದುಮಿಲ್ಲಿ ಅರಣ್ಯ ಪ್ರದೇಶಗಳಲ್ಲಿ ಪ್ರಮುಖ ಆಕ್ಷನ್ ದೃಶ್ಯಗಳ ಚಿತ್ರೀಕರಣ ಪೂರ್ಣಗೊಂಡಿದ್ದು, ಮುಂದಿನ ಹಂತದ ಶೂಟಿಂಗ್ ಮೇ ಮೊದಲ ವಾರದಿಂದ ಹೈದರಾಬಾದ್ನಲ್ಲಿ ಆರಂಭವಾಗಲಿದೆ. ಚಿತ್ರದಲ್ಲಿ Dimple Hayathi ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 1960ರ ದಶಕದ ಹಿನ್ನೆಲೆಯಲ್ಲಿರುವ ಈ ಕಥೆ ತೆಲಂಗಾಣ–ಮಹಾರಾಷ್ಟ್ರ ಗಡಿಯಲ್ಲಿನ ಕಾಲ್ಪನಿಕ ಹಳ್ಳಿಯಲ್ಲಿ ಸಾಗುತ್ತದೆ.
ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ತೆಲುಗು, ತಮಿಳು, ಕನ್ನಡ, ಮಲಯಾಳಂ ಹಾಗೂ ಹಿಂದಿ ಭಾಷೆಗಳಲ್ಲಿ ತಯಾರಾಗುತ್ತಿದೆ.
