ಬೆಂಗಳೂರು: ಹೊಸ ಕಾರುಗಳ ಬಗ್ಗೆ ಕುತೂಹಲ ಕೆಲವರದ್ದಾದರೆ, ಬಹುತೇಕ ಮಂದಿ ಮೊಬೈಲ್ ಕ್ರೇಜ್ ಜನರ ಈ ಮನಸ್ಥಿತಿಯನ್ನು ಮನಗಂಡು ವಿದೇಶಿ ಕಂಪನಿಗಳು ಹೊಸ ಹೊಸ ಮಾದರಿಯ ಮೊಬೈಲ್ ಫೋನುಗಳನ್ನು ಬಿಡುಗಡೆ ಮಾಡುತ್ತಿವೆ. ಇದೀಗ ಈ OnePlus 15 ಬಗ್ಗೆ ಎಲ್ಲರ ಕುತೂಹಲ ನೆಟ್ಟಿದೆ.
ಚೀನಾದ ತಂತ್ರಜ್ಞಾನ ಸಂಸ್ಥೆ OnePlus ತನ್ನ ಮುಂದಿನ ಪೀಳಿಗೆಯ ಸ್ಮಾರ್ಟ್‌ಫೋನ್ OnePlus 15 ಹಾಗೂ ಅದರ ಸಹೋದರ ಮಾದರಿ OnePlus 15R ಅನ್ನು ನವೆಂಬರ್ 13, 2025 ರಂದು ಭಾರತದಲ್ಲಿ ಬಿಡುಗಡೆ ಮಾಡಲಿದೆ ಎಂದು ಅಧಿಕೃತವಾಗಿ ಘೋಷಿಸಿದೆ.
ಹೊಸ ಫೋನ್ ಮೂರು ಬಣ್ಣಗಳಲ್ಲಿ ಲಭ್ಯವಿರಲಿದೆ. ಅಬ್ಸೊಲ್ಯೂಟ್ ಬ್ಲ್ಯಾಕ್, ಮಿಸ್ಟಿ ಪರ್ಪಲ್ ಮತ್ತು ಸ್ಯಾಂಡ್ ಡ್ಯೂನ್. ಭಾರತೀಯ ಆವೃತ್ತಿ ಅದರ ಚೀನೀ ಮಾದರಿಯ ವಿನ್ಯಾಸಕ್ಕೆ ಹೋಲಿಕೆಯಾಗುವ ಸಾಧ್ಯತೆ ಇದೆ.
OnePlus 15 ನಲ್ಲಿ ಹೊಸ ವಿನ್ಯಾಸದ ಕ್ಯಾಮೆರಾ ಮಾಡ್ಯೂಲ್ ಇದ್ದು, ಮುಂಭಾಗದಲ್ಲಿ 6.78 ಇಂಚಿನ 1.5K BOE ಫ್ಲೆಕ್ಸಿಬಲ್ ಓರಿಯಂಟಲ್ OLED ಡಿಸ್ಪ್ಲೇ ನೀಡಲಾಗಿದೆ. ಇದರಲ್ಲಿ 165Hz ರಿಫ್ರೆಶ್ ದರವಿದೆ. ಫೋನ್‌ನ್ನು Snapdragon 8 Elite Gen 5 ಚಿಪ್ ಚಾಲನೆ ಮಾಡಲಿದ್ದು, ಗೇಮಿಂಗ್ ಹಾಗೂ ಮಲ್ಟಿಟಾಸ್ಕಿಂಗ್‌ನಲ್ಲಿ ಉತ್ತಮ ಕಾರ್ಯಕ್ಷಮತೆ ನೀಡಲಿದೆ.
ಉಪಕರಣಕ್ಕೆ ಶಕ್ತಿ ತುಂಬಲು 7300 mAh ಸಾಮರ್ಥ್ಯದ ಬ್ಯಾಟರಿ, 120W ವೈರ್ಡ್ ಚಾರ್ಜಿಂಗ್ ಮತ್ತು 50W ವೈರ್‌ಲೆಸ್ ಚಾರ್ಜ್ ಬೆಂಬಲ ಲಭ್ಯ. ಹೊಸ ಗ್ಲೇಸಿಯರ್ ಕೂಲಿಂಗ್ ಸಿಸ್ಟಮ್ ಮೂಲಕ ದೀರ್ಘಾವಧಿಯ ಗೇಮಿಂಗ್ ವೇಳೆ ತಾಪಮಾನ ನಿಯಂತ್ರಣ ಸುಧಾರಿಸಲಾಗಿದೆ.
ಕ್ಯಾಮೆರಾ ವಿಭಾಗದಲ್ಲಿ 50 ಮೆಗಾಪಿಕ್ಸೆಲ್ ಪ್ರಾಥಮಿಕ ಸೆನ್ಸರ್ ಒಳಗೊಂಡ ತ್ರಿಕೋನ ಕ್ಯಾಮೆರಾ ವ್ಯವಸ್ಥೆ ಇರಲಿದೆ. ಕಡಿಮೆ ಬೆಳಕಿನ ಚಿತ್ರಗಳು, ಬಣ್ಣ ನಿಖರತೆ ಹಾಗೂ ಸ್ಪಷ್ಟತೆಯಲ್ಲಿ ಸುಧಾರಣೆ ನೀಡಲಾಗಿದೆಯೆಂದು ವರದಿಗಳು ಸೂಚಿಸುತ್ತವೆ.
ಫೋನ್ Android 16 ಆಧಾರಿತ OxygenOS 16 ಕಾರ್ಯವ್ಯವಸ್ಥೆಯಲ್ಲಿ ಕಾರ್ಯನಿರ್ವಹಿಸಲಿದೆ. ಬೆಲೆ ಕುರಿತು ಅಧಿಕೃತ ಮಾಹಿತಿ ಇಲ್ಲದಿದ್ದರೂ, ರೂ. 65,000 ರಿಂದ ರೂ. 70,000ರ ವರೆಗೆ ಇರಬಹುದು ಎಂದು ತಜ್ಞರು ಅಂದಾಜು ಮಾಡಿದ್ದಾರೆ.
