ಶಂಕರ್ ಮಹದೇವನ್, ಝಾಕಿರ್ ಹುಸೇನ್ ‘ಶಕ್ತಿ ಬ್ಯಾಂಡ್’ಗೆ ಗ್ರ್ಯಾಮಿ ಅವಾರ್ಡ್; ಕಲಾಶ್ರೇಷ್ಠರಿಗೆ ಅಭಿನಂದನೆಯ ಮಹಾಪೂರ

ಕಲಾಶ್ರೇಷ್ಠರಾದ ಶಂಕರ್ ಮಹದೇವನ್ ಹಾಗೂ ಝಾಕಿರ್ ಹುಸೇನ್ ಅವರ ‘ಶಕ್ತಿ ಬ್ಯಾಂಡ್’ ಈ ಬಾರಿ ಪ್ರತಿಷ್ಠಿತ ಗ್ರ್ಯಾಮಿ ಅವಾರ್ಡ್​ನಲ್ಲಿ ಪ್ರಶಸ್ತಿ ಪಡೆದುಕೊಂಡಿದೆ. ಇವರ ಆಲ್ಬಂಗೆ ಬೆಸ್ಟ್ ಗ್ಲೋಬಲ್ ಮ್ಯೂಸಿಕ್ ಆಲ್ಬಂ ವಿಭಾಗದಲ್ಲಿ ಅವಾರ್ಡ್ ಸಿಕ್ಕಿದೆ. ‘ದಿಸ್ ಮೂಮೆಂಟ್’ ಹೆಸರಿನ ಆಲ್ಬಮ್ ಕಲಾರಸಿಕರ ಮನಗೆದ್ದಿದ್ದಿದ್ದು, ಪ್ರಶಸ್ತಿ ಗೆದ್ದ ಕಲಾವಿದರಿಗೆ ಅಭಿನಂದನೆಯ ಮಾಮಲೆಯಾಗುತ್ತಿದೆ. ಈ ಬ್ಯಾಂಡ್​ನಲ್ಲಿ ಗಾಯಕ ಶಂಕರ್ ಮಹದೇವನ್, ವಯಲಿನ್ ವಾದಕ ಗಣೇಶ್ ರಾಜಗೋಪಾಲನ್ ಪಾತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಇದೇ ವೇಳೆ ‘ಶಕ್ತಿ ಬ್ಯಾಂಡ್’ ಪ್ರಶಸ್ತಿ ಸ್ವೀಕರಿಸಿ ಮಾತನಾಡುತ್ತಿರುವ ವಿಡಿಯೋ ಹಂಚಿಕೊಂಡಿರುವ ರಿಕ್ಕಿ ಕೇಜ್, ನಾಲ್ಕು ಮೇಧಾವಿ ಭಾರತೀಯ ಸಂಗೀತಗಾರರು ಗ್ರ್ಯಾಮಿ ಗೆದ್ದಂತೆ ಆಗಿದೆ. ಭಾರತವು ಎಲ್ಲಾ ದಿಕ್ಕುಗಳಲ್ಲೂ ಮಿಂಚುತ್ತಿದೆ ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.

SHAKTI wins a #GRAMMYs #GRAMMYs2024 !!! Through this album 4 brilliant Indian musicians win Grammys!! Just amazing. India is shining in every direction. Shankar Mahadevan, Selvaganesh Vinayakram, Ganesh Rajagopalan, Ustad Zakhir Hussain. Ustad Zakhir Hussain won a second Grammy… pic.twitter.com/dJDUT6vRso

— Ricky Kej (@rickykej) February 4, 2024