ಬೆಂಗಳೂರು: ಕನ್ನಡ ಚಿತ್ರರಂಗದ ಉದಯೋನ್ಮುಖ ನಟಿ ಸೌಜನ್ಯ (ಸವಿ ಮಾದಪ್ಪ) ಸಾವಿನ ಪ್ರಕರಣ ಸ್ಯಾಂಡಲ್‌ವುಡ್‌ನಲ್ಲಿ ಸೂತಕದ ಛಾಯೆ ಆವರಿಸುವಂತೆ ಮಾಡಿದೆ. ನಟಿಯ ಮೃತದೇಹ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ಡೆತ್ ನೋಟ್ ರೀತಿಯ ಪತ್ರವೂ ಸಿಕ್ಕಿದೆ. ಈ ಬಗ್ಗೆ ಪರಿಶೀಲಿಸಿರುವ ಪೊಲೀಸರು ನಟಿಯು ಆತ್ಮಹತ್ಯೆ ಮಾಡಿಕೊಂಡಿರಬಹುದೆಂದು ಹೇಳಿಕೊಂಡರೂ ಸಾವಿನ ಸುತ್ತ ಅನುಮಾನಗಳ ಹುತ್ತ ಬೆಳೆದಿದೆ.
ಈ ನಡುವೆ, ಸವಿ ಮಾದಪ್ಪ ತಂದೆ ಕುಂಬಳಗೋಡು ಠಾಣೆಗೆ ನೀಡಿರುವ ದೂರು ಈ ಪ್ರಕರಣಕ್ಕೆ ಟ್ವಿಸ್ಟ್ ಕೊಟ್ಟಿದೆ. ನಟ ಹಾಗೂ ಮತ್ತೊಬ್ಬ ವ್ಯಕ್ತಿ ತನ್ನ ಮಗಳ ಸಾವಿಗೆ ಕಾರಣ ಎಂದು ನಟಿ ಸವಿ ತಂದೆ ಪ್ರಭು ಮಾದಪ್ಪ ದೂರಿದ್ದಾರೆ.
ತನ್ನನ್ನು ಪ್ರೀತಿಸುವಂತೆ, ಮದುವೆಯಾಗುವಂತೆ ನಟನೊಬ್ಬ ಸವಿಯನ್ನು ಪೀಡಿಸುತ್ತಿದ್ದ ಎಂಬ ಸಂಗತಿಯನ್ನು ಪ್ರಭು ಅವರು ಪೊಲೀಸರಿಗೆ ತಿಳಿಸಿದ್ದಾರೆ. 5 ವರ್ಷಗಳ ಹಿಂದೆ ಸಿನಿಮಾ, ಧಾರವಾಹಿಗಳಲ್ಲಿ ನಟಿಸುವ ಉದ್ದೇಶದಿಂದ ಬೆಂಗಳೂರಿಗೆ ಬಂದಿದ್ದಳು. ಅವಳಿಗೆ ಪರಿಚಯವಾದ ನಟ ಪ್ರೀತಿಸುವುದಾಗಿ ಹೇಳಿ ಪೀಡಿಸುತ್ತಿದ್ದ ಎಂದು ಸೌಜನ್ಯ ತನ್ನ ತಾಯಿಯಲ್ಲಿ ನೊಂದು ಹೇಳಿದ್ದಳು ಎಂಬ ಸಂಗತಿಯನ್ನು ಪೊಲೀಸರಿಗೆ ಪ್ರಭು ತಿಳಿಸಿದ್ದಾರೆ.
ವಿವೇಕ್ ಹಾಗೂ ಮಹೇಶ್ ಎಂಬ ಎರಡು ಹೆಸರುಗಳ ಬಗ್ಗೆ ಸವಿ ಅನುಮಾನ ವ್ಯಕ್ತಪಡಿಸಿದ್ದು, ಈ ಬಗ್ಗೆ
