ಅಯೋಧ್ಯೆ: ಶ್ರೀರಾಮನ ಜನ್ಮಸ್ಥಾನದಲ್ಲಿ ಭವ್ಯ ರಾಮಮಂದಿರ ಲೋಕಾರ್ಪಣೆ ನಂತರ ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್ ನಿರಾಳರಾಗಿದ್ದಾರೆ. ಮಂದಿರವಲ್ಲೇ ಕಟ್ಟುವೆವು ಎಂಬ ಕೋಟ್ಯಾಂತರ ಹಿಂದೂಗಳ ಆಸೆ ಈಡೇರಿದೆ ಎಂದವರು ಪ್ರತಿಕ್ರಿಯಿಸಿದ್ದಾರೆ.
ರಾಮಮಂದಿರದಲ್ಲಿನ ಪ್ರಾಣ ಪ್ರತಿಷ್ಠಾ ಕೈಂಕರ್ಯ ಸುಸೂತ್ರವಾಗಿ ನಡೆದ ಬಗ್ಗೆ ಸಂತಸ ಹಂಚಿಕೊಂಡಿರುವ ಯೋಗಿ, ಯಾವ ಸ್ಥಳದಲ್ಲಿ ರಾಮ ಮಂದಿರವನ್ನು ನಿರ್ಮಿಸಲು ನಾವು ಸಂಕಲ್ಪ ತೊಟ್ಟೆವೋ, ಅದೇ ಸ್ಥಳದಲ್ಲೇ ಈಗ ರಾಮ ಮಂದಿರ ನಿರ್ಮಾಣವಾಗಿದೆ, ಮಂದಿರವಲ್ಲೇ ಕಟ್ಟಿದೆವು ಎಂದರು.
ಈ ಐತಿಹಾಸಿಕ ಕ್ಷಣವನ್ನು ಇಡೀ ಜಗತ್ತು ಕಣ್ತುಂಬಿಕೊಂಡಿದೆ. ವಿಶೇಷವಾಗಿ ಅಯೋಧ್ಯೆ ಹರ್ಷಗೊಂಡಿದೆ ಎಂದವರು ಹೇಳಿದರು. ಇದು ಕೇವಲ ರಾಮ ಮಂದಿರವಲ್ಲ. ಇದು ರಾಷ್ಟ್ರ ಮಂದಿರ’ ಎಂದು ಅಭಿಪ್ರಾಯಪಟ್ಟರು.
