ಮೇಷ:- ಏಕಾಗ್ರತೆಯಿಂದ ಪ್ರಯತ್ನಿಸಿದರೆ ಕೆಲಸ ಕಾರ್ಯಗಳನ್ನು ತೃಪ್ತಿದಾಯಕವಾಗಿ ಮಾಡಿ ಮುಗಿಸಬಹುದು. ಆದ್ದರಿಂದ ನೀವು ಮಾಡುವ ಕೆಲಸದಲ್ಲಿ ಏಕಾಗ್ರತೆ ರೂಢಿಸಿಕೊಳ್ಳಿ. ಸಾಮಾಜಿಕವಾಗಿ ಗೌರವಿಸಲ್ಪಡುವಿರಿ.
ವೃಷಭ:- ನಿಮ್ಮ ಬಳಿ ಬೇಡದ ವಿಚಾರಗಳನ್ನು ಚರ್ಚಿಸಲು ವಿನಾಕಾರಣ ಬರುವಂಥ ಜನರನ್ನು ದೂರವೇ ಇಡಿ. ಅವರಿಂದ ನಿಮಗೆ ಹೆಚ್ಚಿನ ಮಾನಸಿಕ ಹಿಂಸೆ ಆಗುವುದು. ಆರೋಗ್ಯದ ಕಡೆ ಗಮನ ಹರಿಸಿ. ಸಣ್ಣಪುಟ್ಟ ಕಾಯಿಲೆಯೆಂದು ಉದಾಸೀನ ಮಾಡದಿರಿ.
ಮಿಥುನ:- ಸರಿಯಾದ ಪೂರ್ವತಯಾರಿಗಳನ್ನು ಮಾಡಿಕೊಂಡು ಸಾಗಿದರೆ ಸಂಕಲ್ಪ ಹಾಗೂ ಗುರಿಯನ್ನು ಸಾಧಿಸಬಲ್ಲಿರಿ. ಜನ್ಮಸ್ಥ ರಾಹುವು ಶಿರೋವೇದನೆ ತಂದುಕೊಡುವ ಸಾಧ್ಯತೆ ಇದೆ. ಆದಷ್ಟು ಶಿವಪಂಚಾಕ್ಷರಿ ಮಂತ್ರವನ್ನು ಜಪಿಸಿ. ಒಳಿತಾಗುವುದು.
ಕಟಕ:- ಭಗವಂತನ ಒಲುಮೆ ಆದರೆ ಬೇರೆಯವರ ಹಂಗೇಕೆ? ನಿಮ್ಮ ಮನೋಕಾಮನೆಗಳು ಭಗವಂತನ ಕೃಪಾಶೀರ್ವಾದದಿಂದ ಪೂರ್ಣಗೊಳ್ಳುವುವು. ಬಂಧು ಬಾಂಧವರು ನಿಮಗೆ ಸಹಾಯಹಸ್ತ ನೀಡುವರು. ಕೆಲವರಿಗೆ ವಿದೇಶ ಪ್ರವಾಸ ಕೂಡಿಬರುವುದು.
ಸಿಂಹ:- ನಿಮ್ಮದಲ್ಲದ ಕೆಲಸಗಳನ್ನು ನಿಮ್ಮಿಂದ ಮಾಡಲು ನಿರೀಕ್ಷಿಸಿ ಕಿರಿಕಿರಿ ಮಾಡುವ ಜನರಿಂದ ಆದಷ್ಟು ದೂರ ಇರಿ. ನೀವು ಮಾಡುತ್ತಿರುವ ಕಾರ್ಯವು ಹತ್ತು ಜನರಿಗೆ ಮಾದರಿಯಾಗಿರುವಂತೆ ನೋಡಿಕೊಳ್ಳುವುದು ಒಳ್ಳೆಯದು. ಏಕೆಂದರೆ ನಿಮ್ಮನ್ನೇ ಆದರ್ಶ ವ್ಯಕ್ತಿ ಎಂದು ಆರಾಧಿಸುವವರೂ ಇದ್ದಾರೆ.
ಕನ್ಯಾ:- ವಿದ್ಯಾಬಲ ಮತ್ತು ಬುದ್ಧಿಬಲದಿಂದ ನಿಮ್ಮ ಸುತ್ತಮುತ್ತಲಿನ ಪರಿಸರವನ್ನು ಸಂತೋಷಗೊಳಿಸುವಿರಿ. ಕೆಲವು ಮಹತ್ತರವಾದ ಜವಾಬ್ದಾರಿಗಳು ನಿಮ್ಮ ಮೈಮೇಲೆ ಬರುವುವು. ನಿಮ್ಮ ಹಳೆಯ ಗೆಳೆಯರ ಭೇಟಿ ಸಂಭವವಿದೆ.
ತುಲಾ:- ಮನಸ್ಸು ಹಾಗೂ ಸಂಕಲ್ಪಗಳನ್ನು ನಿರೀಕ್ಷಿತ ಗುರಿಗೆ ತಲುಪಿಸುವಲ್ಲಿ ಪ್ರಯತ್ನಿಸಿದರೆ ಗೆಲುವು ಕಠಿಣವೇನಲ್ಲ. ಮಡದಿ ಮಕ್ಕಳ ಭಾವನೆಗಳನ್ನು ಗೌರವಿಸಿ ಮನೆಯಲ್ಲಿ ನೆಮ್ಮದಿ ಕಂಡುಕೊಳ್ಳಿ.
ವೃಶ್ಚಿಕ:- ನಿಮ್ಮ ಪಾಡಿಗೆ ನೀವು ಇದ್ದರೂ ತಾವಾಗಿಯೇ ನಿಮ್ಮನ್ನು ಕೆಣಕಿ ಕೆರಳಿಸುವಂತಹ ಅನಿರೀಕ್ಷಿತ ಪರಿಸ್ಥಿತಿಯನ್ನು ಕೆಲವರು ಉಂಟುಮಾಡುವರು. ವಿಷ್ಣು ಸಹಸ್ರನಾಮ ಪಾರಾಯಣ ಮಾಡುವುದರಿಂದ ಒಳಿತಾಗುವುದು. ಪ್ರಯಾಣ ಕಾಲದಲ್ಲಿಎಚ್ಚರಿಕೆ ಇರಲಿ.
ಧನುಸ್ಸು:- ಪಾಲುದಾರರ ಜೊತೆಯಲ್ಲಿ ಉತ್ತಮವಾದ ಬಾಂಧವ್ಯದಿಂದ ವ್ಯವಹಾರದಲ್ಲಿ ಗೆಲುವು ಲಭಿಸಲಿದೆ. ಆದರೆ ಉತ್ಸಾಹದ ಭರದಲ್ಲಿ ಯಾವುದೇ ರೀತಿಯ ವಾಗ್ದಾನವನ್ನು ಎದುರಾಳಿಗೆ ನೀಡದಿರಿ. ಇದರಿಂದ ತೊಂದರೆಗೆ ಸಿಲುಕುವಿರಿ.
ಮಕರ:- ನಿಮ್ಮ ಪ್ರತಿಭೆಯನ್ನು ಗುರುತಿಸುವ ಮತ್ತು ಪ್ರಶಂಸೆ ಮಾಡುವಂಥ ಸಜ್ಜನರನ್ನು ಭೇಟಿ ಆಗುವಿರಿ. ಎಲ್ಲಾಕಾರ್ಯಗಳಲ್ಲೂಯಶಸ್ಸನ್ನು ಹೊಂದುವಿರಿ. ಆರೋಗ್ಯದ ಕಡೆ ಗಮನ ನೀಡಿ.
ಕುಂಭ:- ಹೆಚ್ಚಿನ ಪರಿಶ್ರಮಕ್ಕೆ ಮುಂದಾಗುವುದರ ಮೂಲಕವೇ ವಿಶೇಷವಾದ ಯಶಸ್ಸು ಹೊಂದಲು ಕಾರಣವಾಗುವುದು. ನಿಮ್ಮ ಬಹುದಿನದ ಕನಸು ನನಸಾಗಲಿದೆ. ವಿವಿಧ ಮೂಲಗಳಿಂದ ಹಣಕಾಸು ಬರುವುದು.
ಮೀನ:– ಕಚೇರಿಯ ಕೆಲಸಗಳು ಸರಾಗವಾಗಿ ನಡೆಯುವುವು. ಆಸ್ತಿಗೆ ಸಂಬಂಧಪಟ್ಟ ವಿಷಯದಲ್ಲಿ ಹಿನ್ನಡೆ ಅಥವಾ ಮೋಸ ಆಗುವ ಸಂಭವ ಹೆಚ್ಚು. ಮನೆಯ ಹಿರಿಯರ ಆರೋಗ್ಯದಲ್ಲಿಆಸ್ಪತ್ರೆ ಖರ್ಚು ಬರುವ ಸಂಭವವಿದೆ.
