ಬೆಂಗಳೂರು: ಲೋಕಸಭಾ ಚುನಾವಣಾ ಅಖಾಡದಲ್ಲಿ ರಾಜಕೀಯ ನಾಯಕರ ವಾಕ್ಸಮರ ಜೋರಾಗಿ ಸಾಗಿದೆ. ಮತಸಮರದಲ್ಲಿ ತಮ್ಮದೇ ಮೇಲುಗೈ ಎನ್ನುತ್ತಾ ನಾಯಕರು ಮೇಲಾಟಕ್ಕೆ ಸಾಕ್ಷಿಯಾಗುತ್ತಿದ್ದಾರೆ.
ರಾಜಕೀಯ ನಾಯಕರಷ್ಟೇ ಅಲ್ಲ, ಎಲ್ಲೆಲ್ಲೂ ಇದೇ ರೀತಿಯ ಚರ್ಚೆಗಳು ಸಾಗಿವೆ. ಇಂತಹಾ ಚರ್ಚೆಗಳಲ್ಲಿ ಮಕ್ಕಳೂ ತಲ್ಲೀನರಾಗಿದ್ದಾರೆ. ಇಲ್ಲೊಂದು ಕಾಂಗ್ರೆಸ್-ಬಿಜೆಪಿ ವೀಡಿಯೋ ಬಗ್ಗೆ ಪುಟ್ಟ ಮಕ್ಕಳು ಜಗಳವಾಡುವ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಗಮನಸೆಳೆದಿದೆ. ಬಿಜೆಪಿ ಅಕ್ಕನನ್ನು ಕಾಂಗ್ರೆಸ್ ತಂಗಿ ಮಣಿಸುವ ವೀಡಿಯೋ ಸಕತ್ತಾಗಿ ವೈರಲ್ ಆಗಿವೆ.
ಬಿಜೆಪಿ ಅಕ್ಕ ನ ಬಾಯಿ ಮುಚ್ಚಿಸಿದ ಕಾಂಗ್ರೆಸ್ ತಂಗಿ 🔥 pic.twitter.com/FuZb78z3bD
— Radha Avinash (@RadhaAvinash1) May 4, 2024
ಈ ಮಕ್ಕಳಿಗೆ ಚುನಾವಣೆ ಬಗ್ಗೆ ಎಷ್ಟು ತಿಳಿದಿದೆಯೋ ಗೊತ್ತಿಲ್ಲ. ದೊಡ್ಡವರ ಚರ್ಚೆಯನ್ನು ಅನುಕರಿಸಿದ್ದಾರೋ ಎಂದೂ ತಿಳಿಯದು. ಆದರೆ ಈ ಅಕ್ಕ-ತಂಗಿಯ ಜಗಳ ಮಾತ್ರ ರಂಜನೆಗೆ ಸಾಕ್ಷಿಯಾಗಿದೆ. ಈ ವೀಡಿಯೋ ಪೋಸ್ಟ್ ಬಗ್ಗೆ ನೆಟ್ಟಿಗರೂ ತಮ್ಮದೇ ಶೈಲಿಯಲ್ಲಿ ಪ್ರತಿಕ್ರಿಯೆ ನೀಡಿರುವುದೂ ಗಮನಸೆಳೆದಿದೆ.
