ರಾಜ್ಯದಲ್ಲೂ ಕೊರೋನಾ ಮರಣ ಮೃದಂಗ; ಮಂಗಳೂರಿನಲ್ಲಿ ಒಂದು ಬಲಿ

ಮಂಗಳೂರು: ರಾಜ್ಯದಲ್ಲೂ ಕೊಲೋನಾ ಸೋಂಕು ಆಂತಂಕದ ಅಲೆ ಎಬ್ಬಿಸಿದೆ. ಹಲವೆಡೆ ಪಾಸಿಟಿವ್ ಪ್ರಕರಣಗಳು ದೃಢಪಡುತ್ತಿವೆ. ಇದೇ ಸಂದರ್ಭದಲ್ಲಿ ಮಂಗಳೂರಿನಲ್ಲಿ ಒಬ್ಬರು ಬಲಿಯಾಗಿದ್ದಾರೆ.

ಮಂಗಳೂರಿನ ವೆನ್ಲಾಕ್ ಆಸ್ಪತ್ರೆಗೆ ದಾಖಲಾಗಿದ್ದ ವ್ಯಕ್ತಿ ಚಿಕಿತ್ಸೆ ಫಕಾರಿಯಾಗದೆ ಕೊನೆಯುಸಿರೆಳೆದಿದ್ದಾರೆ. ಉತ್ತರ ಭಾರತ ಮೂಲದ ಸುಮಾರು 40 ವರ್ಷ ಹರೆಯದ ವ್ಯಕ್ತಿ ಕೆಲವು ದಿನ ಹಿಂದೆ ಆಸ್ಪತ್ರೆಗೆ ದಾಖಲಾಗಿದ್ದರು. ಉಸಿರಾಟ ತೊಂದರೆಯಿಂದ ಬಳಲುತ್ತಿದ್ದ ಈ ವ್ಯಕ್ತಿಗೆ ಮಧುಮೇಹ ಕಾಯಿಲೆ ಕೂಡಾ ಇತ್ತು ಎನ್ನಲಾಗಿದೆ. ಎರಡು ದಿನಗಳ ಹಿಂದೆ ಅವರಿಗೆ ಸೋಂಕು ದೃಢಪಟ್ಟಿತ್ತೆಂದು ಹೇಳಲಾಗುತ್ತಿದೆ.