ಬೆಂಗಳೂರು: ವಾಹನಗಳಲ್ಲಿ ಕಣ್ಣುಕುಕ್ಕುವಂಥ ಎಲ್ಇಡಿ ಲೈಟ್ ವಿರುದ್ಧ ಕಠಿಣ ಕ್ರಮಕ್ಕೆ ಪೊಲೀಸರು ಮುಂದಾಗಿದ್ದಾರೆ. ಕಣ್ಣುಕುಕ್ಕುವಂಥ ಲೈಟ್ ಎದುರಿನಿಂದ ಬರುವ ವಾಹನಗಳ ಚಾಲಕರಿಗೆ ಅಡ್ಡಿಯಾಗುತ್ತದೆ. ಇದರಿಂದಾಗಿ ಅಪಘಾತಗಳೂ ಸಂಭವಿಸುತ್ತದೆ. ಈ ಹಿನ್ನೆಲೆಯಲ್ಲಿ ಲೈಟ್ನಿಯಮ ಉಲ್ಲಂಘಿಸಿದವರ ವಿರುದ್ಧ ದಂಡ ಹಾಗೂ ಇತರ ಕಾನೂನು ಕ್ರಮಕ್ಕೆ ಪೊಲೀಸರು ಮುಂದಾಗಿದ್ದಾರೆ.
ಈ ಕುರಿತಂತೆ ಮಾಹಿತಿ ಹಂಚಿಕೊಂಡಿರುವ ಹೆಚ್ಚುವರಿ ಪೊಲೀಸ್ ಮಹಾನಿರ್ದೇಶಕರು (ಸಂಚಾರ ಮತ್ತು ರಸ್ತೆ ಸುರಕ್ಷತೆ) ಅಲೋಕ್ ಕುಮಾರ್, ರಸ್ತೆ ಅಪಘಾತಗಳಲ್ಲಿನ ಸಾವುನೋವುಗಳನ್ನು ತಪ್ಪಿಸಲು ಕೇಂದ್ರ ಮೋಟಾರು ವಾಹನಗಳ ನಿಯಮಗಳ ಅಡಿಯಲ್ಲಿ ಅನುಮತಿಸಲಾದ ದೀಪಗಳನ್ನು ಮಾತ್ರ ಅಳವಡಿಸಲು ಆದೇಶ ಹೊರಡಿಸಲಾಗಿದೆ ಎಂದು ತಿಳಿಸಿದ್ದಾರೆ.
#WATCH | Alok Kumar, Additional Director General of Police (Traffic and Road Safety), Karnataka issued orders to install only the lights which are permitted under Central Motor Vehicles Rules to avoid, bring down fatalities in road accidents.
He says, “We are not asking about… pic.twitter.com/qovZHHEZA0
— ANI (@ANI) June 20, 2024
“ನಾವು ಬ್ಯಾನ್ ಮಾಡುವ ಬಗ್ಗೆ ಕೇಳುತ್ತಿಲ್ಲ, ಅವರು ಹೊಳೆಯುವ ದೀಪಗಳನ್ನು ಬಳಸುತ್ತಿದ್ದರೆ ಮತ್ತು ಇತರ ಚಾಲಕರಿಗೆ ಅನಾನುಕೂಲತೆಯನ್ನು ಉಂಟುಮಾಡಿದರೆ ಕೇಸ್ ಹಾಕುವ ಬಗ್ಗೆ ಎಚ್ಚರಿಕೆ ನೀಡುತ್ತಿದ್ದೇವೆ ಎಂದು ಅಲೋಕ್ ಕುಮಾರ್ ತಿಳಿಸಿದ್ದಾರೆ. ಇತರ ಚಾಲಕರ ಮೇಲೆ ಅನಾನುಕೂಲತೆ ಮತ್ತು ಪ್ರಜ್ವಲಿಸುವ ಪರಿಣಾಮವನ್ನು ಉಂಟುಮಾಡುವ ಎಲ್ಇಡಿ ದೀಪಗಳನ್ನು ತೆಗೆದು ಹಾಕಬೇಕಿದೆ ಎಂದವರು ಹೇಳಿದ್ದಾರೆ.
