ಮಾಸ್ಕೋ: ರಷ್ಯಾದ ಪರಮಾಣು ಚಾಲಿತ ಕಂಟೈನರ್ ಹಡಗಿನ ಸೆವ್ಮೊರ್ಪುಟ್ನಲ್ಲಿ ಸಂಭವಿಸಿದ್ದು, ಬೆಂಕಿಯನ್ನು ಅಧಿಕಾರಿಗಳು ಯಶಸ್ವಿಯಾಗಿ ನಂದಿಸಿದ್ದಾರೆ. ದುರ್ಘಟನೆಯಲ್ಲಿ ಯಾವುದೇ ಸಾವು-ನೋವು ಸಂಭವಿಸಿಲ್ಲ ಎಂದು ಮರ್ಮನ್ಸ್ಕ್ ಪ್ರದೇಶದ ತುರ್ತು ವಿಭಾಗದ ಅಧಿಕಾರಿಗಳು ತಿಳಿಸಿದ್ದಾರೆ.
ಹಡಗಿನ ಕ್ಯಾಬಿನ್ ಒಂದರಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು. ಇದು ಸುಮಾರು 30 ಚದರ ಮೀಟರ್ ಪ್ರದೇಶವನ್ನು ಆವರಿಸಿದೆ. ಅದೃಷ್ಟವಶಾತ್, ಕಂಟೇನರ್ ಹಡಗಿನ ಪರಮಾಣು ಸ್ಥಾವರಕ್ಕೆ ಯಾವುದೇ ಆತಂಕ ಇಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪರಮಾಣು ವಿದ್ಯುತ್ ಸ್ಥಾವರವನ್ನು ಹೊಂದಿರುವ ವಿಶ್ವದ ಏಕೈಕ ಐಸ್ ಬ್ರೇಕಿಂಗ್ ಸಾರಿಗೆ ಹಡಗು ಎಂಬ ಹೆಗ್ಗಳಿಕೆಯನ್ನು ಸೆವ್ಮೊರ್ಪುಟ್ ಹೊಂದಿದೆ. ಸುಮಾರು ಎರಡು ಗಂಟುಗಳ ವೇಗದಲ್ಲಿ ಒಂದು ಮೀಟರ್ ದಪ್ಪದವರೆಗಿನ ಮಂಜುಗಡ್ಡೆಯ ಕ್ಷೇತ್ರಗಳ ಮೂಲಕ ನ್ಯಾವಿಗೇಟ್ ಮಾಡಲು ವಿನ್ಯಾಸಗೊಳಿಸಲಾದ ಈ ಹಡಗು ಸಮುದ್ರ ಸಾರಿಗೆಯಲ್ಲಿ ವಿಶಿಷ್ಟ ಮತ್ತು ಕಾರ್ಯತಂತ್ರದ ಪಾತ್ರವನ್ನು ಇದು ನಿರ್ವಹಿಸುತ್ತಿದೆ.
