ಮುಂಬೈ: ಬಾಲಿವುಡ್ ತಾರೆ ಕರೀನಾ ಕಪೂರ್ ಖಾನ್ ಅವರು ಪಂಜಾಬಿ ಗಾಯಕ-ನಟ ದಿಲ್ಜಿತ್ ದೋಸಾಂಜ್ ಮೇಲಿನ ತಮ್ಮ ಮೆಚ್ಚುಗೆಯನ್ನು ಬಹಿರಂಗಪಡಿಸಿದ್ದಾರೆ.
ಅಮೆರಿಕದ ಜನಪ್ರಿಯ ಟಾಕ್ ಶೋ The Tonight Show Starring Jimmy Fallon ನಲ್ಲಿ ದಿಲ್ಜಿತ್ ನೀಡಿದ ಅದ್ಭುತ ಪ್ರದರ್ಶನವನ್ನು ನೋಡಿ ಕರೀನಾ ತಮ್ಮನ್ನು “Forever a fan girl” ಎಂದು ಕರೆದುಕೊಂಡಿದ್ದಾರೆ.
ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ದಿಲ್ಜಿತ್ ಪ್ರದರ್ಶನದ ಕ್ಲಿಪ್ ಹಂಚಿಕೊಂಡ ಅವರು, “Forever a fan girl” ಎಂದು ಬರೆದು ತಮ್ಮ ಉತ್ಸಾಹವನ್ನು ವ್ಯಕ್ತಪಡಿಸಿದ್ದಾರೆ.
ವೀಡಿಯೊದಲ್ಲಿ ದಿಲ್ಜಿತ್ ಕಪ್ಪು ಬಣ್ಣದ ಸಾಂಪ್ರದಾಯಿಕ ಪಂಜಾಬಿ ವೇಷಭೂಷಣದಲ್ಲಿ ಕಾಣಿಸಿಕೊಂಡು, ಜನಪ್ರಿಯ Morni ಹಾಡಿಗೆ ತಮ್ಮ ಸಿಗ್ನೇಚರ್ ನೃತ್ಯ ಚಲನೆಗಳ ಮೂಲಕ ವೇದಿಕೆಯನ್ನು ರಂಜಿಸಿದರು.
ಇನ್ನೂ, ದಿಲ್ಜಿತ್ ಈ ಕಾರ್ಯಕ್ರಮದಲ್ಲಿ ನಿರೂಪಕ ಜಿಮ್ಮಿ ಫಾಲನ್ ಜೊತೆಗೂಡಿ “ಮೋರ್ನಿ” ಹಾಡಿಗೆ ಹೆಜ್ಜೆ ಹಾಕಿದ ಕ್ಷಣಗಳು ವೈರಲ್ ಆಗಿವೆ.
ದಿಲ್ಜಿತ್ ಮತ್ತು ಕರೀನಾ ಈ ಹಿಂದೆ Udta Punjab, Good Newwz ಹಾಗೂ Crew ಸಿನಿಮಾಗಳಲ್ಲಿ ಜೊತೆಯಾಗಿ ಕೆಲಸ ಮಾಡಿದ್ದಾರೆ.
ಚಿತ್ರರಂಗದ ವಿಚಾರಕ್ಕೆ ಬಂದರೆ, ದಿಲ್ಜಿತ್ ಅವರ ಮುಂದಿನ ಚಿತ್ರ Main Vapas Aaunga ಬಿಡುಗಡೆಯ ನಿರೀಕ್ಷೆಯಲ್ಲಿದ್ದು, ಇದನ್ನು ಇಮ್ತಿಯಾಜ್ ಅಲಿ ನಿರ್ದೇಶಿಸಿದ್ದಾರೆ. ಈ ಚಿತ್ರದಲ್ಲಿ ನಸೀರುದ್ದೀನ್ ಶಾ, ಶರ್ವರಿ ವಾಘ್ ಹಾಗೂ ವೇದಾಂಗ್ ರೈನಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
