ಕೇರಳ ಸ್ಥಳೀಯ ಸಂಸ್ಥೆಗಳ ಚುನಾವಣೆ ಫಲಿತಾಂಶ; ಪ್ರತಿಯೊಬ್ಬ ಬಿಜೆಪಿ ಕಾರ್ಯಕರ್ತರಿಗೂ ಐತಿಹಾಸಿಕ ಗೆಲುವು ಎಂದ ರಾಜೀವ್

ತಿರುವನಂತಪುರಂ: ಕೇರಳ ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲಿ ಬಿಜೆಪಿ ಹಾಗೂ ಎನ್‌ಡಿಎ ಸಾಧಿಸಿರುವ ಸಾಧನೆ ಐತಿಹಾಸಿಕವಾದದ್ದು ಎಂದು ಕೇರಳ ಬಿಜೆಪಿ ಅಧ್ಯಕ್ಷ ರಾಜೀವ್ ಚಂದ್ರಶೇಖರ್ ಹೇಳಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, “ರಾಜ್ಯಾದ್ಯಂತದ ಪ್ರತಿಯೊಬ್ಬ ಬಿಜೆಪಿ ಕಾರ್ಯಕರ್ತರಿಗೂ ಇದು ಐತಿಹಾಸಿಕ ಗೆಲುವು. ಮತ ಹಂಚಿಕೆ ಮತ್ತು ರಾಜಕೀಯ ಹೆಜ್ಜೆಗುರುತುಗಳ ದೃಷ್ಟಿಯಿಂದ ನಾವು ಗಮನಾರ್ಹ ಪ್ರಗತಿ ಸಾಧಿಸಿದ್ದೇವೆ. ಎಲ್‌ಡಿಎಫ್ ಮತ್ತು ಯುಡಿಎಫ್ ಪ್ರಾಬಲ್ಯವಿದ್ದ ಹಲವು ಪ್ರಮುಖ ಕ್ಷೇತ್ರಗಳಲ್ಲಿ ಬಿಜೆಪಿ ಹಾಗೂ ಎನ್‌ಡಿಎ ಲಾಭ ಗಳಿಸಿವೆ. ಇದರಿಂದ ಎಲ್‌ಡಿಎಫ್ ರಾಜಕೀಯ ಚಿತ್ರಣದಿಂದ ಹೊರಗುಳಿಯುತ್ತಿದೆ ಎಂಬುದು ಸ್ಪಷ್ಟವಾಗಿದೆ. ಮುಂದಿನ ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧೆ ಯುಡಿಎಫ್ ಮತ್ತು ಎನ್‌ಡಿಎ ನಡುವೆಯೇ ಇರುತ್ತದೆ,” ಎಂದು ಹೇಳಿದರು.

#WATCH | Thiruvananthapuram | On Kerala local body elections, Kerala BJP President Rajeev Chandrashekhar says, "It is a historical victory, for every BJP worker across the state because we have made significant strides in out vote share and political footprint… BJP and NDA have… pic.twitter.com/U6p3yvYcgj

— ANI (@ANI) December 13, 2025

ಎಲ್‌ಡಿಎಫ್ ವಿರುದ್ಧ ಭ್ರಷ್ಟಾಚಾರ ಮತ್ತು ದುರುಪಯೋಗದ ಆರೋಪಗಳನ್ನು ಮುಂದುವರಿಸಿದ ರಾಜೀವ್ ಚಂದ್ರಶೇಖರ್, “ನಾವು ಸದಾ ಭ್ರಷ್ಟಾಚಾರ ಮತ್ತು ದುರಾಡಳಿತದ ವಿಚಾರದಲ್ಲಿ ಎಲ್‌ಡಿಎಫ್ ಮೇಲೆ ದಾಳಿ ಮಾಡಿದ್ದೇವೆ. ಆದರೆ ಕಾಂಗ್ರೆಸ್ 27 ರಾಜ್ಯಗಳು ಹಾಗೂ 8 ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಸಿಪಿಐ(ಎಂ) ಜೊತೆ ಮೈತ್ರಿ ಮಾಡಿಕೊಂಡಿದೆ. ಆದ್ದರಿಂದ ಕಾಂಗ್ರೆಸ್ ಜನರನ್ನು ದಾರಿ ತಪ್ಪಿಸಬಾರದು,” ಎಂದು ಟೀಕಿಸಿದರು.

“ಕಾಂಗ್ರೆಸ್ ಮತ್ತು ಎಡಪಕ್ಷಗಳಂತಹ ಭ್ರಷ್ಟ ಗುಂಪುಗಳಿಂದ ನಮಗೆ ಯಾವುದೇ ಪ್ರಮಾಣಪತ್ರವೂ ಅಗತ್ಯವಿಲ್ಲ. ಬಿಜೆಪಿ ಎಂಬ ಪಕ್ಷದ ಭಾಗವಾಗಿರುವುದಕ್ಕೆ ನನಗೆ ಅಪಾರ ಹೆಮ್ಮೆ ಇದೆ,” ಎಂದು ಅವರು ಹೇಳಿದರು.