ಮೇಷ:- ವಿನಾಕಾರಣವಾಗಿ ನಿಮ್ಮ ದಾರಿಯನ್ನು ಬದಲಾಯಿಸದಿರಿ. ಅನ್ಯರ ಅಸಮಾಧಾನಗಳು ದೂರವಾಗುವ ಎಲ್ಲಾ ಲಕ್ಷಣಗಳು ಕಂಡು ಬರುತ್ತವೆ. ಮಾತಾ ದುರ್ಗಾದೇವಿಯ ಸ್ತೋತ್ರ ಪಠಿಸಿ. ಒಳಿತಾಗುವುದು.
ವೃಷಭ:– ಭಿನ್ನವಾದ ಎರಡು ಶಕ್ತಿಗಳು ನಿಮ್ಮನ್ನು ಅಧೀರಗೊಳಿಸುವ ಸಂಭವ ಇದೆ. ಆದರೂ ಧೈರ್ಯಗೆಡದಿರಿ. ಎಲ್ಲಾ ಕೆಲಸಗಳು ಯಶಸ್ವಿಯಾಗಲು ಮಹಾಲಕ್ಷ್ಮೀಯನ್ನು ಪ್ರಾರ್ಥಿಸಿ. ಮಕ್ಕಳ ಅಭ್ಯುದಯವು ನಿಮಗೆ ಸಂತಸ ನೀಡುವುದು.
ಮಿಥುನ:- ಮನದ ಸಂಕಲ್ಪಗಳು ಭಗವಂತನ ಅನುಗ್ರಹದಿಂದ ಈಡೇರುವುವು. ಕೋರ್ಟು ಕಚೇರಿ ಕೆಲಸಗಳಲ್ಲಿ ಸ್ವಲ್ಪ ಹಿನ್ನಡೆ ಆಗುವುದು. ವಿಷ್ಣುವಿನ ಆರಾಧನೆ ಮಾಡುವುದು ಒಳ್ಳೆಯದು. ಹಣಕಾಸಿನ ಸ್ಥಿತಿ ಉತ್ತಮವಾಗಿರುವುದು.
ಕಟಕ:- ಹಲವರನ್ನು ಎದುರು ಹಾಕಿಕೊಳ್ಳುವುದು ಅನಿವಾರ್ಯ. ಏಕೆಂದರೆ ಎಲ್ಲರ ಪ್ರೀತಿ ಗಳಿಸಲು ಆಗುವುದಿಲ್ಲ. ಎದುರಾಗುವ ಸನ್ನಿವೇಶಗಳನ್ನು ಬಹು ನಾಜೂಕಾಗಿ ಕೈಗೆತ್ತಿಕೊಳ್ಳಿ. ಗುರು-ಹಿರಿಯರ ಆಶೀರ್ವಾದದ ಬಲದಿಂದ ಒಳಿತಾಗುವುದು.
ಸಿಂಹ:- ಅನೇಕ ರೀತಿಯ ಕ್ಷಿಪ್ರಬೆಳವಣಿಗೆಗಳನ್ನು ಎದುರಿಸಬೇಕಾಗುವುದು. ಆ ವಿಚಾರಗಳನ್ನು ಧೈರ್ಯದಿಂದ ಎದುರಿಸಿ. ಅಂತಿಮ ಗೆಲುವು ನಿಮ್ಮದಾಗುವುದು. ನಿಮ್ಮನ್ನು ವಿರೋಧಿಸುತ್ತಿದ್ದವರೇ ನಿಮ್ಮ ಸಖ್ಯವನ್ನು ಬಯಸಿ ಬರುವರು.
ಕನ್ಯಾ:-ನಿಮ್ಮ ಮನದ ಬಯಕೆಗಳು ಶೀಘ್ರವಾಗಿ ಈಡೇರಬೇಕು ಎಂಬ ವಿಚಾರದಲ್ಲಿ ತಡೆ ಬರುವ ಸಾಧ್ಯತೆ ಇದೆ. ಮನೋನಿಯಾಮಕ ರುದ್ರದೇವರನ್ನು ಮನಸಾ ಭಜಿಸಿ. 5 ವರ್ಷದ ಒಳಗಿನ ಹೆಣ್ಣುಮಕ್ಕಳಿಗೆ ಸಿಹಿ ಹಂಚಿ.
ತುಲಾ:– ಯಾರನ್ನು ನಂಬಬೇಕು, ಯಾರನ್ನು ನಂಬಬಾರದು ಎಂಬ ಹೊಯ್ದಾಟವನ್ನು ಎದುರಿಸಬೇಕಾಗಿ ಬರುವುದು. ದಿನದಿಂದ ದಿನಕ್ಕೆ ಆರ್ಥಿಕ ಮುಗ್ಗಟ್ಟು ಅಧಿಕವಾಗುವುದರಿಂದ ಅನಗತ್ಯ ಖರ್ಚು, ವೆಚ್ಚಗಳಿಗೆ ಕಡಿವಾಣ ಹಾಕುವುದು ಒಳ್ಳೆಯದು.
ವೃಶ್ಚಿಕ:– ನಿಯಮಗಳನ್ನು ಮುರಿಯುವ ಯಾವುದೇ ಕೆಲಸಗಳಿಗೂ ಕೈಹಾಕದಿರುವುದು ಉತ್ತಮ. ಇದರಿಂದ ನಿಮ್ಮ ಮನಸ್ಸಿನ ಸಂತಸ ಹಾಳಾಗುವುದು. ದ್ವಿತೀಯ ಧನಸ್ಥಾನದ ಗುರುವು ಹಣದ ಕೊರತೆಯನ್ನು ಉಂಟುಮಾಡುವುದಿಲ್ಲ.
ಧನಸ್ಸು:– ಸದ್ಯದ ಪರಿಸ್ಥಿತಿಯಲ್ಲಿ ಕೆಲಸವು ನಿಮ್ಮ ವಿರುದ್ಧವಾಗಿ ಆಗುವುದರಿಂದ ಹೌಹಾರುವ ಸ್ಥಿತಿಯಿಂದಾಗಿ ನೀವು ಕಂಗಾಲಾಗುವಿರಿ. ಆದರೂ ಅಂತಿಮವಾಗಿ ಒಳಿತು ನಿಮ್ಮ ಪಾಲಿಗೆ ಜರುಗುವುದರಿಂದ ಮಾನಸಿಕ ನೆಮ್ಮದಿ ದೊರೆಯುವುದು.
ಮಕರ:- ನೀವು ಬಹಳ ಚತುರರೇ ಆಗಿದ್ದೀರಿ. ಆದರೂ ಕೆಲವು ಸಮಸ್ಯೆಗಳನ್ನು ವಿನಾಕಾರಣ ಎದುರಿಸಬೇಕಾಗುವುದು. ಆಂಜನೇಯ ಸ್ವಾಮಿ ಪ್ರಾರ್ಥನೆ ಮಾಡಿ. ಆಕ್ಕಿ ಮತ್ತು ಬೆಲ್ಲವನ್ನು ಹಸುವಿಗೆ ನೀಡಿ. ಇದರಿಂದ ಒಳಿತಾಗುವುದು.
ಕುಂಭ:– ಸರ್ವಮಂಗಳೆಯಾದ ಅನ್ನಪೂರ್ಣ ದೇವಿಯನ್ನು ಮನಸಾ ಭಜಿಸಿ. ಇದರಿಂದ ವಿಸ್ಮಯಕರವಾದ ಕಾರ್ಯಗಳು ಜರುಗುವುವು. ಮತ್ತು ಸಾಮಾಜಿಕವಾಗಿ ನೀವು ಜನರಿಂದ ಗೌರವಿಸಲ್ಪಡುವಿರಿ. ಹಣಕಾಸಿನ ಚಿಂತೆ ದೂರವಾಗುವುದು.
ಮೀನ:– ನಡೆಸದಿರುವ ಪ್ರಮಾದವನ್ನು ನಿಮ್ಮ ತಲೆಗೆ ಸುತ್ತುವ ಹಲವಾರು ಪ್ರಯತ್ನಗಳು ನಡೆಯುವುವು. ಆದರೆ ನಿಮ್ಮ ಬಂಧುಬಾಂಧವರು ಹಾಗೂ ಹಿತೈಷಿಗಳು ಸಕಾಲಿಕ ಸಾಕ್ಷಿ ನುಡಿಯುವುದರಿಂದ ಅನುಕೂಲವಾಗುವುದು.
