ಗದಗ್: ಕಮಲಾಕ್ಷಿ ಎಂಬ ಮಹಿಳೆ ಒಂಟಿಯಾಗಿ ನೆಮ್ಮದಿ ಜೀವನ ಸಾಗಿಸುತ್ತಿದ್ದಳು. ಕಳೆದ ಮೂರು ದಿನಗಳಿಂದ ನೆಮ್ಮದಿ ಹಾಳಾಗಿ ಹೋಗಿದೆ. ಅವಳ ನೆಮ್ಮದಿ ಹಾಳು ಮಾಡಿದ್ದು ಹಾವಿನ ಮರಿಗಳು. ಮನೆಯ ಆವರಣದಲ್ಲಿ ಏಕಾಏಕಿ 35ಕ್ಕೂ ಹೆಚ್ಚು ಹಾವಿನ ಮರಿಗಳನ್ನು ಕಂಡ ಕಮಲಾಕ್ಷಿ ಬೆಚ್ಚಿಬಿದ್ದಿದ್ದಾರೆ.
ಗದಗ ಜಿಲ್ಲೆ ಯ ನರಗುಂದ ಪಟ್ಟಣದ ವಿದ್ಯಾಗಿರಿ ನಗರದಲ್ಲಿ ವಾಸವಾಗಿದ್ದ ಕಮಲಾಕ್ಷಿ ಅವರ. ಮನೆ ಆವರಣದಲ್ಲಿ ಮೂರು ದಿನಗಳ ಹಿಂದೆ ದೊಡ್ಡ ಹಾವು ನೋಡಿದ್ದಾರಂತೆ. ಹಾವು ಕಂಡಿರುವ ಬಗ್ಗೆ ಉರಗ ತಜ್ಞರಿಗೆ ತಿಳಿಸಿದ್ದಾರೆ. ಉರಗ ತಜ್ಞ ಬುಡ್ಡಾ ಆರ್ ಸುರೇಬಾನ ಅವರು ಮನೆಗೆ ಆಗಮಿಸಿ ಮನೆಯ ಸುತ್ತಮುತ್ತಲಿನ ಪ್ರದೇಶದಲ್ಲಿ ಹಾವು ಹುಡುಕಾಡಿದ್ದಾರೆ. ಆದ್ರೆ ಹಾವು ಮಾಯವಾಗಿತ್ತು. ಇದಾದ ಎರಡು ದಿನಗಳ ನಂತ್ರ ಕಮಲಾಕ್ಷಿ ಅವರ ಮನೆಯ ಕಮೋಡ್ ನಲ್ಲಿ ಎರಡು ಹಾವಿನ ಮರಿಗಳು ಪ್ರತ್ಯಕ್ಷವಾಗಿವೆ. ಹೀಗಾಗಿ ತಕ್ಷಣ ಉರಗ ತಜ್ಞರಿಗೆ ಮಾಹಿತಿ ಮತ್ತೆ ಶೌಚಾಲಯದ ಕಮೋಡ್ ಸುತ್ತಮುತ್ತಲಿನ ಪ್ರದೇಶದ ಜಾಗೆಯನ್ನು ಅಗೆದಿದ್ದಾರೆ. ಅಲ್ಲಿಯಲ್ಲಿ ಸುಮಾರು 35 ಹಾವಿನ ಮರಿಗಳು ಕಂಡು ಬಂದಿವೆ. ಇದರಿಂದ ಮಹಿಳೆ ಕಮಲಾಕ್ಷಿ ಬೆಚ್ಚಿ ಬಿದ್ದಿದ್ದಾರೆ.
ಇನ್ನು ಕಮಲಾಕ್ಷಿ ಅವರ ಮನೆಯ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಸಿಕ್ಕಿರುವ ಹಾವಿನ ಮರಿಗಳನ್ನು ಉರಗ ತಜ್ಞ ಬುಡ್ಡಾ ಆರ್ ಸುರೇಬಾನ ಅವರು ರಕ್ಷಣೆ ಮಾಡಿ ಸ್ಥಳೀಯ ಅರಣ್ಯ ಪ್ರದೇಶಕ್ಕೆ ಬಿಟ್ಟು ಬಂದಿದ್ದಾರೆ. ಉರಗ ತಜ್ಞರು ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
