ಬೆಂಗಳೂರು: ಕೃಷಿ ತಜ್ಞರೇ ಕೃಷಿ ರೈತರ ಕೃಷಿಗೆ ವೈದ್ಯರಾಗಬೇಕು.ಕೃಷಿ ವಿಜ್ಞಾನಿಗಳು ಕೃಷಿ ಪ್ರೊಫೆಸರ್ಗಳು ವಿಶ್ವವಿದ್ಯಾಲಯದ ಕಾಂಪೌಂಡ್ ಬಿಟ್ಟು ಹೊರಬರಬೇಕು.ತಮ್ಮ ಜ್ಞಾನವನ್ನು ಸಮಗ್ರವಾಗಿ ರೈತರಿಗೆ ಸಾರಬೇಕು ಎಂದು ಕೃಷಿ ಸಚಿವ ಬಿ.ಸಿ.ಪಾಟೀಲ್ ಕರೆ ನೀಡಿದ್ದಾರೆ.
ಬೆಂಗಳೂರು ಕೃಷಿ ವಿಶ್ವವಿದ್ಯಾನಿಲಯ(ಜಿಕೆವಿಕೆ) 55ನೇ ಸಂಸ್ಥಾಪನಾ ದಿನಾಚರಣೆ ವೇದಿಕೆ ಕಾರ್ಯಕ್ರಮ ಉದ್ಘಾಟಿಸಿ ಸಚಿವರು ಮಾತನಾಡಿದರು.
ಕೃಷಿ ವಿಶ್ವವಿದ್ಯಾಲಯಗಳು ಆದಷ್ಟು ಗುಣಮಟ್ಟದ ತಳಿಗಳನ್ನು ಹೊರತರಬೇಕು. ತಮ್ಮ ತಳಿಗಳನ್ನು ಪ್ರಚಾರ ಮಾಡಿ ರೈತರನ್ನು ತಲುಪಬೇಕು.ರೈತರು ಕೃಷಿ ಸಮಸ್ಯೆ ಬಂದಾಗ ಔಷಧಿ ಅಂಗಡಿ ಗೊಬ್ಬರದಂಗಡಿಗೆ ಕೃಷಿ ಸಮಸ್ಯೆಗೆ ಹೋಗುವುದು ಹೆಚ್ಚಾಗಿದೆ.ಆದರೆ ಇದು ತಪ್ಪಬೇಕು.ರೈತ ಕೃಷಿ ಸಮಸ್ಯೆಗೆ ಕೃಷಿ ವಿಶ್ವವಿದ್ಯಾಲಯಗಳಿಗೆ ಪ್ರೊಫೆಸರ್‌ಗಳಿಗೆ ಕೃಷಿ ವಿಜ್ಞಾನಿಗಳನ್ನು ಭೇಟಿ ಮಾಡುವಂತಾಗಬೇಕು ಎಂದು ಸಲಹೆ ನೀಡಿದರು.
ಕೊಪ್ಪಳದ ಪೈಲಟ್ ಯೋಜನೆಯಲ್ಲಿ 20 ರೈತ ಸಂಪರ್ಕ‌ಕೇಂದ್ರಗಳಿಗೆ ಲ್ಯಾಬ್ ಟೂ ಲ್ಯಾಂಡ್ ಎನ್ನುವ ಮಣ್ಣಿನ ಪರೀಕ್ಷೆ ನಡೆಸುವ ಮೊಬೈಲ್ ಅಗ್ರಿ ಹೆಲ್ತ್ ವಾಹನ ಈ ತಿಂಗಳ ಕೊನೆಗೆ ಬಿಡುಗಡೆ ಮಾಡಲಾಗುವುದು. ಇದರ ಸದುಪಯೋಗವಾಗಬೇಕು.ಹೊರಗುತ್ತಿಗೆ ಸೇವೆಯಾಧಾರದಲ್ಲಿ ಈ ಮೊಬೈಲ್ ಅಗ್ರಿ ಹೆಲ್ತ್ ವಾಹನಕ್ಕೆ ಅಗ್ರಿ ಗ್ಯ್ಯಾಜ್ಯುಯೇಟ್‌ಗಳನ್ನು ಸೇವೆಗೆ ಬಳಸಿಕೊಳ್ಳಲಾಗುತ್ತಿದೆ.ರೈತ
ನಾನು ಈ ದೇಶದ ರೈತ ಎಂದು
ಸ್ವಾಭಿಮಾನದಿಂದ ಹೇಳಿಕೊಳ್ಳುವ ರೈತನ ಸಂಪೂರ್ಣ ಕೃಷಿ ವಿವರವುಳ್ಳ ಶಾಶ್ವತ ಗುರುತಿನ ಚೀಟಿ ನೀಡಲಾಗುತ್ತಿದೆ ಎಂದು ಸಚಿವ ಬಿ.ಸಿಿ.ಪಾಟೀಲ್ ವಿವರಿಸಿದರು.
ಬಹುತೇಕ ಯುವಕರು ಕೃಷಿಯಿಂದ ದೂರ ಹೋಗುತ್ತಿದ್ದಾರೆ.ಕೃಷಿ ಕೀಳರಿಮೆಯ ಕೆಲಸವಲ್ಲ ಹಿರಿಮೆಯ ಸ್ವಾಭಿಮಾನಿ ಕೆಲಸವೆನ್ನುವುದನ್ನು ಎಲ್ಲರೂ ಅರಿಯಬೇಕು.
ಪ್ರೊಫೆಸರ್‌ಗಳನ್ನು ತಾಲೂಕಿನ ಸೇವೆಗೆ ನಿಯೋಜಿಸಿದ್ದು, ಪ್ರೊಫೆಸರ್ಗಳು ಗ್ರಾಮಗಳಿಗೆ ಭೇಟಿ ನೀಡುವ ಮುನ್ನ ರೈತ ಸಂಪರ್ಕ ಕೇಂದ್ರಗಳಿಗೆ ಮೊದಲು ಮಾಹಿತಿ ನೀಡಬೇಕು.ರೈತರಿಗೆ ಕೃಷಿ ವಿಜ್ಞಾನಿಗಳು ಪ್ರೊಫೆಸರ್ಗಳು ಬರುವ ಮುನ್ನ ಮಾಹಿತಿ ಹೋದಲ್ಲಿ ರೈತರು ವಿಜ್ಞಾನಿಗಳನ್ನು ಭೇಟಿ ಮಾಡಿ ಸಮಸ್ಯೆಗಳನ್ನು ಹೇಳಬಹುದು ಪರಿಹಾರ ಪಡೆಯಬಹುದಾಗಿದೆ ಎಂದು ಬಿ.ಸಿ.ಪಾಟೀಲ್ ಸೂಚನೆ ನೀಡಿದರು.
