ಮುಂಬೈ: ಬಾಲಿವುಡ್ ನಟ ಅನಿಲ್ ಕಪೂರ್ ಇತ್ತೀಚಿನ ಸೋಶಿಯಲ್ ಮೀಡಿಯಾ ಪೋಸ್ಟ್ ಮೂಲಕ ಸಿನಿ ಪ್ರೇಮಿಗಳಲ್ಲಿ ಭಾರೀ ಕುತೂಹಲ ಮೂಡಿಸಿದ್ದಾರೆ. ಅವರ ಈ ಪೋಸ್ಟ್ ಹಿಟ್ ಆಕ್ಷನ್ ಥ್ರಿಲ್ಲರ್ ಸರಣಿ 24 ಮರುಪ್ರವೇಶದ ಸುಳಿವು ನೀಡಿದೆಯೇ ಎಂಬ ಪ್ರಶ್ನೆ ಎದ್ದಿದೆ.
ತಮ್ಮ X ಖಾತೆಯಲ್ಲಿ ಅವರು JioHotstar ಅನ್ನು ಟ್ಯಾಗ್ ಮಾಡಿ, “ನಿಮಗೆ 24 ಗಂಟೆಗಳಿವೆ” ಎಂದು ಎಚ್ಚರಿಕೆ ನೀಡಿದರೆ, “ಇಲ್ಲದಿದ್ದರೆ ನಾನು ವಿಷಯಗಳನ್ನು ನನ್ನ ಕೈಗೆ ತೆಗೆದುಕೊಳ್ಳುತ್ತೇನೆ” ಎಂಬ ಸಂದೇಶವನ್ನು ಕೂಡ ಹಂಚಿಕೊಂಡಿದ್ದಾರೆ.
ಈ ಪೋಸ್ಟ್ಗೆ ಅಭಿಮಾನಿಗಳಿಂದ ಭಾರೀ ಪ್ರತಿಕ್ರಿಯೆ ವ್ಯಕ್ತವಾಗಿದೆ. “24 ಮತ್ತೆ ಬರುತ್ತಿದೆಯೇ?” “ಅದೊಂದು ಅದ್ಭುತ ಸರಣಿ” ಎಂದು ಹಲವರು ಕಾಮೆಂಟ್ ಮಾಡಿದ್ದಾರೆ. ಕೆಲವರು ಇದನ್ನು ಹೊಸ ಸೀಸನ್ಗೆ ಸಂಬಂಧಿಸಿದ ಮಾರ್ಕೆಟಿಂಗ್ ಸ್ಟಂಟ್ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಅದೇ ಹೆಸರಿನ ಅಮೇರಿಕನ್ ಸರಣಿಯನ್ನು ಆಧರಿಸಿದ ‘24’ ಮೊದಲ ಸೀಸನ್ 2013ರಲ್ಲಿ, ಎರಡನೇ ಸೀಸನ್ 2016ರಲ್ಲಿ ಪ್ರಸಾರವಾಗಿ ಉತ್ತಮ ಪ್ರತಿಕ್ರಿಯೆ ಪಡೆದಿತ್ತು. ಈಗ ಸುಮಾರು ದಶಕದ ನಂತರ ಮೂರನೇ ಸೀಸನ್ ಬರಬಹುದೇ ಎಂಬ ನಿರೀಕ್ಷೆ ಹೆಚ್ಚಾಗಿದೆ.
ಈ ಸರಣಿಯನ್ನು ರೆನ್ಸಿಲ್ ಡಿ’ಸಿಲ್ವಾ ಮತ್ತು ಭವಾನಿ ಅಯ್ಯರ್ ಬರಹಗಾರರಾಗಿ ರೂಪಿಸಿದ್ದು, ಮೂಲ ಕಥೆಯನ್ನು ಜೋಯಲ್ ಸುರ್ನೋ ಮತ್ತು ರಾಬರ್ಟ್ ಕೊಕ್ರಾನ್ ಸೃಷ್ಟಿಸಿದ್ದಾರೆ.
ಒಟ್ಟಿನಲ್ಲಿ, ಅನಿಲ್ ಕಪೂರ್ ಅವರ ಪೋಸ್ಟ್ ‘24’ ಸೀಸನ್-3 ಘೋಷಣೆಗೆ ಮುನ್ನುಡಿ ಆಗಬಹುದೇ ಎಂಬ ಕುತೂಹಲ ಇದೀಗ ಅಭಿಮಾನಿಗಳಲ್ಲಿ ಗರಿಗೆದರಿದೆ.
Or else I’ll take matters into my own hands. pic.twitter.com/70dKML80XV
— Anil Kapoor (@AnilKapoor) April 9, 2026
