ಮೇಷ:- ಎಣ್ಣೆ ಬಂದಾಗ ಕಣ್ಣು ಮುಚ್ಚಿದರು ಎನ್ನುವಂತೆ ಯಾವುದೇ ಕಾರಣಕ್ಕೂ ಮನಸ್ಸನ್ನು ಹೊಯ್ದಾಡಲು ಬಿಡಬೇಡಿ. ಗುರಿ ತಲುಪುವ ಸಮಯ ಮತ್ತು ಅವಕಾಶವಿದೆ. ಹಾಗಾಗಿ ನಿರುತ್ಸಾಹಿ ಆಗಬೇಡಿ. ನಿಮ್ಮ ಪ್ರಯತ್ನಕ್ಕೆ ಯಶಸ್ಸು ದೊರೆಯುವುದು.
ವೃಷಭ:- ಕಷ್ಟಗಳು ಯಾರಿಗಿಲ್ಲಾ ಹೇಳಿ. ಕಷ್ಟಗಳು ಬರುವುದೇ ಮನುಷ್ಯನನ್ನು ಸುಸಂಸ್ಕೃತನನ್ನಾಗಿ ಮಾಡಲು. ಹಾಗಾಗಿ ಬಂದ ಕಷ್ಟಗಳನ್ನು ಎದುರಿಸಿ. ಕಷ್ಟಗಳನ್ನು ಎದುರಿಸುವ ಶಕ್ತಿಯನ್ನು ನೀಡು ಎಂದು ಭಗವಂತನಲ್ಲಿ ಪ್ರಾರ್ಥಿಸಿ. ಬಂದ ಕಷ್ಟಗಳು ಮಂಜಿನಂತೆ ಕರಗಿ ಹೋಗುವುವು.
ಮಿಥುನ:- ಮನುಜ ಒಂದು ನೆನೆದರೆ ಭಗವಂತನ ಚಿಂತನೆಯೇ ಮತ್ತೊಂದು. ಹಾಗಾಗಿ ನೀವು ಎಷ್ಟೇ ಚಡಪಡಿಸಿದರೂ ನೀವು ಹಮ್ಮಿಕೊಂಡ ಕೆಲಸವು ಸಕಾಲದಲ್ಲಿಆಗುವುದಿಲ್ಲ. ಆದರೆ ಮುಂದಿನ ದಿನಗಳಲ್ಲಿ ಒಳ್ಳೆಯದಾಗುವುದು. ಈ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳದಿರಿ.
ಕಟಕ:- ಸರಾಗವಾಗಿ ಆಗುತ್ತಿದ್ದ ಕೆಲಸ ಕಾರ್ಯಗಳು ಏಕಾಏಕಿ ನಿಂತಂತೆ ಆಗುತ್ತಿದೆ. ಅದು ಗುರು ಗ್ರಹದ ಸಂಚಾರ ಫಲ. ಗುರುವಿನ ಸ್ತೋತ್ರ ಪಠಿಸಿ. ಗುರುವಿನ ಅನುಗ್ರಹದಿಂದ ಒಳಿತಾಗುವುದು. ಮಕ್ಕಳು ವಿದ್ಯೆಯಲ್ಲಿ ಹೆಚ್ಚಿನ ಶ್ರಮ ಹಾಕಬೇಕಾಗುವುದು.
ಸಿಂಹ:- ಎದುರಿಗೆ ಬಂದರೆ ಹುಲಿಯನ್ನೂ ಸಹ ನಿಯಂತ್ರಿಸಬಲ್ಲಿರಿ. ಆದರೆ ಹಿಂಬದಿಯ ಶತ್ರುವನ್ನು ನಿಗ್ರಹಿಸಲು ಕಠಿಣವಾಗುವುದು. ನಿಮಗೆ ಹಿಂಬದಿ ಶತ್ರುಗಳು ಇದ್ದಾರೆ ಎಂದರೆ ನೀವು ಸಮಾಜದಲ್ಲಿ ಬೆಳೆಯುತ್ತಿದ್ದೀರಿ ಎಂದು ಅರ್ಥ. ಈ ಬಗ್ಗೆ ಹೆಮ್ಮೆ ಪಡಿ.
ಕನ್ಯಾ:- ನಿಮ್ಮ ಹಿರಿಯರ ಆಸ್ತಿಯ ಬಗೆಗಿನ ವಿಚಾರದಲ್ಲಿ ವಿಶೇಷ ಮುತುವರ್ಜಿ ವಹಿಸಿ ಮತ್ತು ಅದರ ರಕ್ಷಣೆ ಕಾರ್ಯದಲ್ಲಿ ಕಾನೂನಾತ್ಮಕ ಹೋರಾಟವನ್ನು ಮಾಡಬೇಕಾಗುವುದು. ಈ ಬಗ್ಗೆ ತಜ್ಞರ ಸಲಹೆ, ಸಹಕಾರಗಳನ್ನು ಪಡೆಯಿರಿ.
ತುಲಾ:- ಹಿರಿಯಯೊಬ್ಬರ ಮೂಲಕ ಅನೇಕ ಬಗೆಯ ಬಿಕ್ಕಟ್ಟುಗಳನ್ನು ಪರಿಹರಿಸಿಕೊಳ್ಳಲು ನಿಮಗೆ ಸಾಧ್ಯವಾಗಲಿದೆ. ಈಗಾಗಲೇ ಖರೀದಿಸಿರುವ ಮನೆಯ ಗೃಹಪ್ರವೇಶದ ಕಾರ್ಯಗಳು ಸಾಂಗವಾಗಿ ನಡೆಯುವುವು.
ವೃಶ್ಚಿಕ:- ಹುಡುಕುವ ಬಳ್ಳಿ ಕಾಲಿಗೇ ತಗುಲಿತು ಎಂಬಂತೆ ನೀವು ಬಹು ದಿನದಿಂದ ನಿರೀಕ್ಷಿಸಿದ ಗ್ರಂಥ ಅಥವಾ ಅನಿರೀಕ್ಷಿತವಾದ ಸಹಾಯ ನಿಮಗೆ ದೊರೆಯುವುದರಿಂದ ಮನಸ್ಸು ಪ್ರಫುಲ್ಲವಾಗುವುದು.
ಧನುಸ್ಸು:- ಮನೆಯಲ್ಲಿನ ಬಿಕ್ಕಟ್ಟುಗಳನ್ನು ಕೆಲಸದ ಸ್ಥಳಕ್ಕೆ ತಂದು ಬಿಡಬೇಡಿ. ಮನಸ್ಸಿನ ಚಂಚಲತೆ ಮತ್ತು ವ್ಯಾಕುಲತೆಯನ್ನು ತಿಳಿಗೊಳಿಸಿಕೊಳ್ಳಲು ಮನೋನಿಯಾಮಕ ರುದ್ರದೇವರನ್ನು ಭಜಿಸಿ. ಹಣಕಾಸಿನ ಪರಿಸ್ಥಿತಿ ಸಾಧಾರಣವಾಗಿರುವುದು.
ಮಕರ:- ಅಪರಿಚಿತರಿಂದಲೇ ಉತ್ತಮವಾದುದು ಲಭ್ಯವಾಗಲಿದೆ. ಆದರೆ ಅವರೊಂದಿಗೆ ಹಣದ ವ್ಯವಹಾರ ಮಾಡದಿರಿ. ಆದಷ್ಟು ಆಂಜನೇಯ ಸ್ವಾಮಿ ಸ್ತೋತ್ರ ಪಠಿಸಿ. ಸಾಧ್ಯವಾದಲ್ಲಿಸಂಜೆ ದೇವಿ ದೇವಸ್ಥಾನದಲ್ಲಿಅರ್ಚನೆ ಮಾಡಿಸಿ.
ಕುಂಭ:- ಮಕ್ಕಳ ಮನಸ್ಸು ಬೆಣ್ಣೆಯಷ್ಟೇ ಮೃದು. ಅವರನ್ನು ಕಠೋರ ಮಾತುಗಳಿಂದ ಬೈಯದಿರಿ. ಮಕ್ಕಳಿಗೆ ಸಂತೋಷ ಉಂಟಾಗುವಂತೆ ಏನಾದರೂ ಉಡುಗೊರೆಯನ್ನು ಕೊಡಿ. ಅವರ ಹರ್ಷಚಿತ್ತವು ನಿಮ್ಮ ಅನೇಕ ಸಮಸ್ಯೆಗಳಿಗೆ ಪರಿಹಾರ ನೀಡುವುದು.
ಮೀನ:- ವಿನಾಕಾರಣ ತೊಂದರೆ ಕೊಡುವಂತಹ ಜನರನ್ನು ಬಹು ಜಾಣ್ಮೆಯಿಂದಲೇ ದೂರಕ್ಕೆ ತಳ್ಳಿಬಿಡಿ. ನಿಮ್ಮ ವೃತ್ತಿ ಜೀವನದಲ್ಲಿ ಕೆಲವು ಮಹತ್ತರ ತಿರುವುಗಳು ಎದುರಾಗುವುವು. ಮಾತಾ ದುರ್ಗಾದೇವಿಯನ್ನು ಅನನ್ಯ ಭಕ್ತಿಯಿಂದ ಭಜಿಸಿ.
